“Хүүхэд–хөгжил хамгаалал” уриатай арга хэмжээг зохион байгуулж, нийт 11200 хүүхдэд гарын бэлэг өгсөн.

Багууд жил бүр 20 гаруй аж ахуйн нэгж, байгууллагуудтай хамтран явган хүний гарц, нийтийн эзэмшлийн зам талбайг тэгшилж засах, ногоон байгууламж нэмэгдүүлэх, хогийн ургамал устгах зэрэг ажлуудыг хийж гүйцэтгэж ирсэн.
2024 онд Согоот баг нутаг дэвсгэрийн сургууль, цэцэрлэгүүдийг шаардлагатай тоног төхөөрөмж, урлагийн заалны өсгөгч, хөгжим, ухаалаг дэлгэц, самбар зэргээр хангасан.
Олон улсын хүүхдийн эрхийг хамгаалах өдрийг угтан багууд соёлын төвүүдтэй хамтран “Хүүхэд–хөгжил хамгаалал” уриатай арга хэмжээг зохион байгуулж, нийт 11200 хүүхдэд гарын бэлэг өгсөн.
Ахмадын баярыг тохиолдуулан нийт багийн ахмадуудын дунд “Дуулах өдөр дуун цэнгүүн”-ийг зохион байгуулж хүндэтгэл үзүүллээ.
Хөдөлмөр, халамжийн үйлчилгээний газартай хамтран бичил бизнесийн зээл хүссэн 22 иргэнд нийт 113.0 сая төгрөгийн дэмжлэг үзүүлсэн ба орон нутгийн хөгжлийн сангийн хөрөнгө оруулалтаар 44 иргэнд өрхийн үйлдвэрлэлийг нь дэмжин тоног төхөөрөмжийн тусламж олгосон.
Өрхийн тариаланчдад ХХААХҮЯ-ны 80 хувийн хөнгөлөлттэй үнээр хүнсний ногооны үр олгох ажлын хүрээнд 198 өрхийг хамруулж, 90 өрхөд хүлэмж олгосон байна. “Орхон тариа” ХХК, “Бүтлийн ундарга” ХХК нь нийгмийн хариуцлагын хүрээнд 50 малчин өрхөд тэжээлийн будаа олгосон.