"Багийн хөгжлийг дэмжих" хөтөлбөрийн хүрээнд Зэст, Яргуйт,Баян-Овоот багуудын байр ашиглалтад орлоо

Сүүлийн  жилүүдэд багийн хөгжлийг дэмжих хөтөлбөрийн хүрээнд Зэст,  Яргуйт,Баян-Овоот  багуудын байр ашиглалтад орлоо
Төрийн үйлчилгээг анхан шатанд хүртээмжтэй, шуурхай хүргэх үүднээс хүн амын төвлөрөл ихтэй зарим багийг аймгийн ИТХ-ын ээлжит 8 дугаар хуралдааны III тогтоолоор хуваасан билээ. Тэдгээрийн нэг Яргуйт багаас шинээр үүссэн Баян-Овоот баг өнөөдөр шинэ багийн байраа хүлээн авч байна.
Улсын төсвийн хөрөнгө оруулалтаар баригдсан уг багийн байранд хоёр багийн 1778 өрхийн 6188 иргэн, 17 аж ахуй нэгж байгууллага харьяалагдан төрийн анхан шатны үйлчилгээг иргэдэд хүргэх юм.
Аймгийн ИТХ-ын 2021 оны 2 дугаар сарын 18-ний өдрийн 22 дугаар тогтоолоор “Багийн хөгжлийн дэмжих хөтөлбөр”-ийг батлуулан хэрэгжүүлж байгаа билээ.
Засаг захиргааны анхан шатны нэгж багийн хөгжлийг дэмжих замаар төрийн үйлчилгээг иргэдэд ойртуулах, шуурхай, чанартай болгох, цахимжуулах, баг иргэдийн хоорондыын харилцааг идэвхжүүлж иргэдийн эрэлт хүсэлтийг шуурхай шийдвэрлэх нь энэхүү хөтөлбөрийн зорилго юм.
Багийн Иргэдийн зөвлөл, багийн ажлын алба, хамтран үйл ажиллагаа явуулдаг багийн өрхийн эмнэлэг, цагдаагийн хэсгийг нэг дор хамтран ажиллах орчин, нөхцлийг бүрдүүлж өнгөрсөн хугацаанд Эрдэнэ, Говил, Баянцагаан багуудын байрыг шат дараатайгаар шийдвэрлэсэн.
Эрдэнэт хот, Анхдагч илгээлтийн эздийн түүхэн энэ өдөр шинэ багийн байраа хүлээн авч буй иргэд, ажиллагсад албан хаагчид Та бүхэндээ ажлын өндөр амжилт хүсье.