Төрийн албан хаагчийн хөгжлийн хөтөлбөрийн нийгмийн дэмжлэгт 16 албан хаагч хамрагдлаа

Өнөөдөр “Төрийн албан хаагчийн хөгжлийн  хөтөлбөр”-ийн  нийгмийн дэмжлэгт хамрагдсан 16 албан хаагчдад  аймгийн Засг дарга М.Түмэнжаргал батламжийг нь гардууллаа.  Тодруулбал, тухайн  байгууллагадаа 25-аас дээш жил тогтвор суурьшилтай, үр бүтээлтэй ажилласан 16 албан хаагчдад  116 сая төгрөгийн дэмжлэг олголоо.  Энэ нь нэг албан хаагчдад  зургаан сарын цалинтай дүйцэхүйц дэмжлэг юм. 

Үүнд, БОЭТ-ийн үйлчлэгч, Орхон аймаг дахь Төрийн аудитын газрын жолооч, Гаалийн газрын үйлчлэгч, УЦУОШГ-ын Цаг уурын техникч, ХТГ-ын хог хаягдлын жолооч, зам талбайн үйлчлэгч зэрэг  албан хаагчид хамрагдаж байна. 

 Мөн  11  байгуулагын 11 төрийн албан хаагчдыг гадаад улсад туршлага судлуулахаар болсон юм.  Засгийн газраас хэрэгжүүлж буй “Шинэ сэргэлтийн бодлого”-д туссан “Төрийн бүтээмжийн сэргэлт”-ийн хүрээнд Орхон аймаг “Төрийн албан хаагчийн хөтөлбөр”-ийг хоёр дахь жилдээ хэрэгжүүлж байна. 

Хөтөлбөрийн зорилго нь төрийн албан хаагчийн ажиллах нөхцөлийг сайжруулах, ур чадвар, бүтээмжийг дээшлүүлэх, нийгмийн баталгааг нь хангах, мэргэшсэн төрийн албыг төлөвшүүлэхэд чиглэсэн юм.