Зарим авто замын барилга угсралтын ажил ирэх жил үргэлжилнэ

Долоо хоног бүрийн даваа гарагт хуралддаг Аймгийн Засаг даргын шуурхай хуралдаан боллоо. Хуралдааныг аймгийн Засаг дарга М.Түмэнжаргал удирдан явуулав. 
Өнгөрсөн 7 хоногт Говил багийн Эрхбүжинхэн цэцэрлэг хүртэлх авто зам, Барилгачдын талбайн уулзвар хэсгийн авто замыг тус тус бүрэн хучилт хийж дуусгажээ. Ингэснээр хотын хэмжээнд нийт 18 байршилд асфальт бетонон хучилт хийгээд байна. Мөн "Жавхлант харгуй" ХХК гүйцэтгэгчээр нь ажиллаж байгаа  Ёс заншлын өргөө хүртэлх авто замын хашлага суулгах ажил үргэлжилж байгаа талаар үүрэг даалгаврын Авто замын барилга угсралтын ажлыг  ±5 градусаас доош нөхцөлд хийхийг хориглодог. Иймд цаг агаарын нөхцөл байдалтай уялдуулан замын ажлыг эрчимжүүлж, засвар шинэчлэл хийсэн авто замын ойр орчмын хог хаягдлыг цэвэрлэж, сайжруулахыг аймгийн Засаг дарга анхаарууллаа. Түүнчлэн зарим авто замын барилга угсралтын ажил ирэх жил үргэлжилнэ гэв. 
          Мөн “Хөх Монгол цогцолбор” байгууламжийг амралт чөлөөт цагийн талбай болгох гадна тохижилтыг засварлах ажлын зургийг бүрэн боловсруулсан талаар мэдээллээ. Цаашид тус зураг төсөлд нэмэлтээр хийгдэх ажлуудын саналыг иргэдээс авч танилцуулах ажлыг зохион байгуулахаар боллоо. 
            Цаашид хотын хэмжээнд хийгдэх камержуулалтын асуудалд онцгой анхаарах, тооцоо  судалгааг гаргах, БОЭТ-ийн цаг авах үйлчилгээг түргэн шуурхай боловсронгуй болгох чиглэлээр санал танилцуулах, аймаг сумдын өвс тэжээлийн нөөцийн бэлтгэл ажлын явцыг шалгах үүрэг өглөө. 

Мэдээллийн төв