Арван байршилд авто зам шинэчлэлийн ажил дуусаж, хөдөлгөөн нээлээ

Авто замын шинэчлэл, их засварын ажлууд эхнээсээ дуусаж, зарим байршилд авто замын хөдөлгөөн хэвийн үргэлжилж эхэллээ. Энэ онд орон нутгийн төсвийн 50 тэрбум төгрөгийн хөрөнгө оруулалтаар 49 байршилд авто замын их засвар, шинэчлэл хийхээр төлөвлөсөн. 40 байршилд  авто замын ажил ид өрнөж, эхнээсээ  ашиглалтад ороод байна. 
Харин 9 ажил тендер дахин сонгон шалгаруулалтын шатандаа явж буй аж. 

Авто засварын шинэчлэлийн хүрээнд 8,3 км авто зам  шинээр тавьж, орон сууны хороололд 11,5 км авто замд,  гэр хорооллын бүсэд 12,6 км авто замд их засвар шинэчлэлт хийж, 5 байршилд 400 авто машины зогсоол байгуулахаар төлөвлөсөн. 

Авто замын шинэчлэл, их засварын ажил дуусч хөдөлгөөн нээсэн, дуусахаар бэлэн болж буй авто зам шинээр байгуулсан авто зогсоолын мэдээллийг хүргэе. 

• Их залуу багийн  15 дугаар  сургуулийн баруун талын уулзвараас  Шанд багийн Халуун усны уулзвар хүртэлх 740 м  авто замд  их засвар хийж, хөдөлгөөнийг нээлээ.  Тус ажлыг “Жипи экспресс финанс”  ХХК гүйцэтгэв. 
• Эрдэнэ багийн самбараас "Пинк" дэлгүүрийн уулзвар хүртэлх 790м авто замд их засвар хийж,  авто замын хөдөлгөөнийг нээлээ. 
•   “Энхжинмандариваа” ӨЭМТ-ийг төв замтай холбох 224 м  шинэ авто замд  асфальтбетонон хучилт хийж авто замын хөдөлгөөнийг нээлээ. Тус хэсгийн авто замд явган хүний зам, хашлага, ногоон байгууламж, ус зайлуулах лотки 8-ыг хийсэн. Гүйцэтгэгчээр “Дагинас хайрхан” ХХК ажиллалаа. 
•  Онцгой байдлын 81-р ангийн уулзвараас Булаг баг, Хөдөлмөр, халамж үйлчилгээний газрын уулзвар хүртэлх  450 м авто замд их засвар хийж, авто замын хөдөлгөөнийг нээлээ.
•   Цагаанчулуут баг, Хорооллын эцсээс 26-р цэцэрлэгийн баруун талын уулзвар хүртэлх 740 м авто замд шинээр асфальтбетонон хучилт хийж, замын  хэвтээ тэмдэг тэмдэглэгээг тавьж авто замын хөдөлгөөнийг нээлээ.
•   Онцгой байдлын 81-р ангиас Наран багийн самбар хүртэлх 700 метр авто замд асфальтбетонон хучилт, хэвтээ тэмдэг тэмдэглэгээг хийн авто замын хөдөлгөөнийг нээлээ.
•   Үйлчилгээний төвийн баруун талын авто зам, зогсоолд их засвар хийж, асфальтбетонон хучилт шинээр хийж, хөдөлгөөнийг нээлээ. 
•  Их залуу 20 дугаар гудамжнаас 17 дугаар сургуулийн уулзвар хүртэлх 780 м авто замд асфальтбетонон хучилт хийж байна. Замын тэмдэг, тэмдэглэгээг хийсний дараа авто замын хөдөлгөөнийг нээнэ. Тус хэсэгт зам дагуу шинээр боржин чулуун хашлага суурилуулж, хөвөөний засварын ажлыг гүйцэтгэсэн. Найман орц гарцан дээр хоолой байршуулж, 10 байршилд ус зайлуулах суваг хийсэн.
•   “Эрдэнэт” сувиллын хойд талын авто замаас ДГТ 3-3-р байр хүртэлх авто зам, зогсоолд их засварын ажил үргэлжилж байна. Тус хэсэгт  явган хүний зам, боржин чулуун хашлага шинээр  суурилуулсан. Зогсоолын тэмдэг, тэмдэглээг хийсний дараа хөдөлгөөнийг нээнэ. 
•  БОЭТ-ийн баруун талын болон авто замд их засвар шинэчлэлт хийх ажил үргэлжилж байна. Нийт 1,16км авто зам болон авто зогсоолыг бүтэн асфальтбетоноор хучилт хийсэн. 

Авто машины зогсоол:

•   Говил багийн 2-р цэцэрлэгийн гадна талбайд авто зогсоол, явган хүний замыг  шинээр байгууллаа.  Нийт 630 метр кв талбайд асфальтбетонон  хучилтыг орон нутгийн төсвийн 318 сая төгрөгийн хөрөнгө оруулалтаар гүйцэтгэлээ.  
•  Говил багийн ерөнхий боловсролын 2-р сургуулийн гадна талбайд авто зогсоол байгууллаа. Нийт 610 метр талбайд асфальтбетонон  хучилт хийлээ. Мөн тус хэсэгт  2,2 метрийн өргөнтэй явган хүний замыг шинээр тавив.
•    Согоот баг  6-р хорооллын 9,10-р байрны авто зам, зогсоолын их засварын ажил 90 хувьтай үргэлжилж байна. Асфальтбетонон хучилт, авто замын хашлага, тэмдэг, тэмдэглэгээний ажил дууссан. Явган хүний замын ажил 90 хувьтай байна.  
•  Баянбулаг багийн 28 дугаар цэцэрлэг, ерөнхий боловсролын 16 дугаар сургуулийн 50 автомашины зогсоолыг байгууллаа. Мөн явган хүний зам болон, зам дагуух гэрэлтүүлэг 10 ширхэг, бусад тохижилтын ажлыг “Дагинас хайрхан” ХХК хийж гүйцэтгэлээ. 
• Орон сууцны 4-р хорооллын 24, 25-р байрны авто зам, зогсоолд их засвар, хийж хөдөлгөөнийг нээлээ. 
• Баянбулаг багийн 28 дугаар цэцэрлэг, ерөнхий боловсролын 16 дугаар сургуулийн 50 автомашины зогсоолыг байгууллаа. Мөн явган хүний зам болон, зам дагуух гэрэлтүүлэг 10 ширхэг, бусад тохижилтын ажлыг “Дагинас хайрхан” ХХК хийж гүйцэтгээд байна. 

Мэдээллийн төв