ИТХ-ын ээлжит бус XVIII хуралдаанаар Орхон аймаг, Эрдэнэт хотын далбааг шинэчиллээ

Аймгийн ИТХ-ын ээлжит бус 18 дугаар хуралдаанаар  Орхон аймаг, Эрдэнэт хотын далбааг шинэчлэх асуудлыг хэлэлцэж, шийдвэрлэлээ. Аймгийн ИТХ-ын 2024 оны төлөвлөгөөнд  далбаа шинэчлэх тухай асуудлыг тусгасан байсан юм.   Аймгийн далбааг өмнө нь 2001, 2011 онд ИТХ-аар шинэчилж байжээ. 2011 оноос өнөөг хүртэл ашиглаж буй далбааг шинэчлэх хэд хэдэн үндэслэл байгааг ажлын хэсгээс танилцуулав. 

    Тухайлбал, өнөөгийн далбаанд аймгийн бэлгэ тэмдэг арслан бүхий логог тусгаагүй нь Орхон аймаг, Эрдэнэт хот гэж илэрхийлдэггүй.  Томоохон уралдаан тэмцээн, соёл урлагийн арга хэмжээнд аймаг орон нутгаа төлөөлөн оролцож буй баг  тамирчид, уран бүтээлчдийг Орхон аймгаас оролцож буйг илэрхийлдэггүй.  Мөн орон нутгийн онцлогийг шингээсэн хэвлэмэл зүйлс зээр одоогийн далбааг хэвлэх боломжгүй  байдаг гэхчлэн хэд хэдэн үндэслэл байгааг танилцуулсан. 

Тиймээс далбааг шинэчлэх асуудлаар багагүй хугацаанд судалгаа хийж, зураач, урчууд, гэрэл зурагчид, мэргэжлийн дизейнар, иргэд олон нийтийн саналыг сонссон хэлэлцүүлэг зохион байгуулсан.  Шинэ далбааны загварыг гурван хувилбараар гаргаж Засаг даргын зөвлөл болон ИТХ-ын зөвлөлд танилцуулж хэлэлцүүлсэн. Мөн цахим санал асуулгыг иргэдээс авсан.  
Иргэд, олон нийт далбааны иш талын гол хэсэгт Орхон аймаг, Эрдэнэт хотын бэлгэ тэмдэг “Арслан”-г байрлуулж, суурь дэвсгэрийг номин ногоон өнгө болгон шинэчилсэн хувилбарыг дэмжсэн. 

ИТХ-ын төлөөлөгчдийн олонх буюу 59 хувийн саналаар  мөн уг хувилбарыг дэмжсэнээр аймгийн далбаа шинэчлэгдлээ.  Шинэчлэгдэж буй далбаан дэвсгэр номин ногоон өнгө нь хүчирхэг байдал, итгэл найдвар, энх амгалан, баян чинээлэг, өнө мөнхийн бэлгэдэл. Мөн Эрдэнэтийн овооны эрдэс баялгийг бэлгэджээ.