Авто замын засвар арчлалт, цэвэрлэгээ үйлчилгээ хийх зориулалттай авто техникүүдийг хүлээлгэн өглөө

Аймгийн авто замын байгууламжийн засвар, арчлалтыг сайжруулах зорилгоор зам талбай цэвэрлэх зориулалттай олон үйлдэлт авто машин, тусгай зориулалтын техник хэрэгслүүд худалдан авч өнөөдөр хот тохижуулах газарт хүлээлгэн өглөө. 
        Тодруулбал: Орон нутгийн төсвийн 1,2 тэрбум төгрөгийн хөрөнгө оруулалтаар авто грейдер 1 ширхэг,  дөрвөн тоннын индүү, тусгай зориулалтын авто машин, авто ковш тус бүр нэгийг худалдан авсан юм.  Мөн орон нутгийн төсвийн 399 сая төгрөгийн  хөрөнгө оруулалтаар авто замын цэвэрлэгээ үйлчилгээ хийх зориулалттай тусгай тоноглол бүхий гурван авто машин нийлүүлэгдэж байна. 
       Гэр хорооллын 300 орчим километр сайжруулсан зам, хотын доторх 130 гаруй километр асфальтан замын ашиглалт, цэвэрлэгээ, засвар үйлчилгээнд дэвшил гарахаас гадна техник хэрэгслүүд нэмэгдсэнээр ажилчдын ажиллах нөхцөл сайжирч, цаг хугацаа хэмнэх давуу талууд бий болж байгаа гэдгийг аймгийн Засаг дарга М.Түмэнжаргал онцоллоо. 
        Энэ онд хот тохижуулах газрын дэргэд 12 хүний орон тоотой авто замын хэсэг байгуулагдсан. Өнөөдөр хүлээлгэн өгч буй эдгээр авто техникүүдийг тус хэсэг хариуцан ажиллаж хотын авто замын цэвэрлэгээ, засвар арчлалтыг хийх ажээ. 
Сүүлийн гурван жилийн хугацаанд хот тохижуулах газарт улс, орон нутгийн төсвийн 4,5 тэрбум төгрөгийн хөрөнгө оруулалтаар парк шинэчлэлт хийгээд байна. 

Мэдээллийн төв