Орон нутгийн сонгуулийг зохион байгуулах аймгийн сонгуулийн хорооны бүрэлдэхүүнийг баталлаа

Аймгийн ИТХ-ын ээлжит бус 17 дугаар хуралдаан хуралдаж байна. Хуралдаанаар аймаг, нийслэл, сум дүүргийн ИТХ-ын 2024 оны ээлжит  сонгуулийг Орхон аймгийн хэмжээнд зохион байгуулах  аймгийн сонгуулийн хорооны бүрэлдэхүүнийг хэлэлцэн,  байгууллаа. 

2024 оны орон нутгийн ээлжит сонгуулийн санал авах үйл ажиллагаа ирэх аравдугаар 10 сарын  11-ны баасан гарагт улс даяар холбоотой СЕХ-оос орон нутгийн сонгуулийг зохион байгуулах цаг хугацааны хуваарийг   баталсан. Холбогдох хууль болон хуваарийн хүрээнд аймгийн Сонгуулийн хороог наймдугаар сарын 2-нөөс өмнө аймгийн ИТХ-аар хэлэлцүүлж, байгуулах ёстой юм. Энэ хүрээнд уг асуудлыг хэлэлцүүлж, аймгийн сонгуулийн хорооны бүрэлдэхүүнийг баталлаа. 

Аймгийн сонгуулийн хороог ЗДТГ-ын ТЗУХ-ийн дарга М.Жанболат ахалж, Нарийн бичгээр  аймгийн ЗДТГ-ын ХЭЗХ-ийн дарга М.Мөнхбаяр ажиллана. 
Гишүүдээр   аймгийн ИТХ-ын Нарийн бичгийн дарга Б.Ганзориг, ЗДТГ-ын дарга  Ш.Ганболд,   ЗДТГ-ын Санхүү төрийн сангийн хэлтсийн Төсвийн ерөнхий нягтлан бодогч   С.Энхтүвшин, Улсын бүртгэлийн хэлтсийн дарга    М.Отгонбаяр,    ГХБХБГ-ын дарга    Д.Цолмон  нар ажиллаж, нийт  долоон хүний бүрэлдэхүүнтэй  байна.  Аймгийн Сонгуулийн хорооны дарга, нарийн бичиг, гишүүд 2-9 удаагийн сонгуульд сонгуулийн хороонд ажилласан туршлагатай. 

Хуульд зааснаар...

• Аймгийн сонгуулийн хороог наймдугаар сарын 2-ны дотор 
• Сумын сонгуулийн хороог наймдугаар сарын 12- ны дотор, 
• Хэсгийн хороодыг наймдугаар сарын 27-ны дотор байгуулах, 
• Иргэдийн шилжилт хөдөлгөөн наймдугаар сарын 12-ноос эхлэн зогсох, 
• Нам, эвслүүд наймдугаар сарын 12-ноос өмнө сонгуульд оролцохоо илэрхийлэх,  
• Наймдугаар сарын 27-ноос есдүгээр сарын 2-ныг хүртэл орон нутгийн сонгуульд нэр дэвших үйл ажиллагаа өрнөнө.

Есдүгээр сарын 26-наас аравдугаар сарын 9-ныг дуустал 14 хоногийн хугацаанд сонгуулийн сурталчилгаа үргэлжилнэ.  Хуулийн хүрээнд СЕХ  орон нутгийн сонгуулийг зохион байгуулахад мэргэжил арга зүйн удирдлагаар хангаж, аймаг, сумын хэсгийн хороод сонгуулийг зохион явуулна.  Сонгуулийн бүх шатны хороодод сургалтад хамрагдаж, шалгали өгөн гэрчилгээ авсан төрийн захиргааны болон төрийн үйлчилгээний алба хаагчдыг ажиллуулдаг хуулийн заалттай