Хотын өвөлжилтийн бэлтгэл ажлын гүйцэтгэл 56 хувьтай байна

Эрдэнэт хотын 2024-2025 онд дэд бүтцийн чиглэлээр хэрэгжүүлэх “Өвөлжилтийн бэлтгэл ажил”-ын гүйцэтгэл өнөөдрийн байдлаар 56 хувьтай хэрэгжиж байна.  13 байгууллага нийт 50 ажил төлөвлөснөөс 8 ажил 100 хувь хэрэгжиж дууссан бол 50-95 хувийн хэрэгжилттэй 20 ажил, 10-45 хувийн хэрэгжилттэй 17 ажил, хийгдэж эхлээгүй 5 ажил байна.

 Хөдөө, аж ахуйн салбарын 2024-2025 оны өвөлжилтийн бэлтгэл хангах ажлын төлөвлөгөөнд  мал аж ахуйн чиглэлээр 12,  мал эмнэлгийн ажил үйлчилгээний чиглэлээр 4, газар тариалангийн чиглэлээр 10, хүнсний чиглэлээр 1, нийт 27 заалт бүхий ажлын төлөвлөгөөний төслийг боловсруулсан.  “Мал аж ахуйн өвөлжилт, хаваржилтын бэлтгэл хангах ажлын төлөвлөгөө”-ний хүрээнд малчдын төвшинд 11500 тн байгалийн хадлан бэлтгэх юм.

Ирэх долоо хоногийн даваа гарагийн Засаг даргын шуурхай зөвлөгөөнөөр хотын болон хөдөө, аж ахуйн өвөлжилтийн бэлтгэл ажлын талаарх мэдээллийг сонсохоор болов.