Өнгөрсөн долоо хоногт хийж гүйцэтгэсэн авто замын засвар, арчилгааны талаарх мэдээлэл

Өнгөрсөн долоо хоногт хийж гүйцэтгэсэн  авто замын засвар арчилгааны талаарх мэдээллийг хүргэж байна. 

Хот тохижуулах газар:  

• Найрамдал багт 24.17 м.к талбай бүхий  авто замын эвдрэлийг хаягдал асфальт дахин боловсруулагчаар нөхсөн.  
• А.Амарын талбайн   торон хагаралыг  засварлаж,  нийт 256 У/м талбай гагнах ажлыг хийж гүйцэтгэв. 
• Яргуйт баг, Сансар худалдааны төвийн баруун хэсэгт  зам шүүрдэлт хийж, 8 м3 хог шороо  цэвэрлэсэн. 
• Даваат баг, 17 дугаар сургууль хүртэл, Шанд голын зам дагуу үерийн усны далангийн хог цэвэрлэгээ хийж гүйцэтгэв. 
•  Оюут, Хүрэн булаг багт нийт 63м2  явган хүний зам талбайг засварласан.  

“Орхон АЗЗА” ТӨХК:

• Энэ сарын 3-нд  улсын чанартай А1001 авто замын нүхэн эвдрэлийг халуун асфальтбетоноор засварлаж, нийт 285м2 талбайг  халуун асфальтаар нөхсөн. 
• Мөн энэ сарын 2-5-ны хооронд Зэст, Хүрэнбулаг, Оюут багт нийт 700м2 талбайг зүсвэрлэсэн гэж мэдээллээ.