Энэ бямба гаригт “Бүх хайраа гэр бүлдээ” өдөрлөг болно

Жил бүрийн тавдугаар сарын 15-нд дэлхийн гэр бүлийн өдөр тохиодог. Энэ өдрийг угтан аймгийн ЗДТГ-аас уламжлал болгон зохион байгуулдаг  “Бүх хайраа гэр бүлдээ” өдөрлөг энэ бямба гаригт Эрдэнэт цэцэрлэгт хүрээлэнд болох гэж байна. 

    НҮБ-ын ерөнхий ассамблей 1993 оны есдүгээр сарын 20-ны хуралдаанаар 1994 оноос эхлэн тавдугаар capын 15 өдрийг "Гэр бүлийн өдөр" болгосон. Энэхүү өдрийг  дэлхий даяар тэмдэглэж өнгөрүүлснээс хойш өдгөө 29 жил, Монгол Улс  20 дахь  жилтэйгээ золгож байна.  

“Бүх хайраа гэр бүлдээ” өдөрлөгийн зорилго нь  гэр бүлийн үнэ цэнийг нэмэгдүүлэх, хүүхдийн хөгжлийг дэмжихэд эцэг эхийн оролцоог хангах, спорт танин мэдэхүйн мэдлэг ойлголтыг хөгжүүлж, гэр бүлийн сайн сайхны төлөөх  үйл ажиллагааг дэмжихэд оршдог билээ. 

Өдөрлөгийн үеэр хүүхэд бүрийн насны онцлогт тохирсон "Мөлхөө жаал" өртөө, "Циркийн тоглолтын" өртөө, "Эрүүл мэндийн" өртөө, Спортын өртөө, 3Гайхамшигт бяцхан хүмүүс3 өртөө, "Өөрийгөө сорь өртөө" /sky line хамтлаг Open mic/  зэрэг 10 гаруй   төрлийн спорт, соёл урлагийн олон сонирхолтой арга хэмжээг өртөөчлөн зохион  байгуулах тул хүүхэд багачуудаа өргөнөөр оролцож, амралтын өдрөө дурсамж дүүрэн өнгөрүүлэхийг урьж байна. Мөн энэ үеэр үлгэр жишээ таван гэр бүлийг шалгаруулна.   

Тус арга хэмжээний ерөнхий зохион байгуулагчаар  ЗДТГ, Хүүхэд, гэр бүлийн хөгжил хамгааллын газар  хамтран зохион байгуулагчаар  Баян-өндөр сумын ЗДТГ, Соёл урлагийн газар,Боловсрол шинжлэх ухааны газар, Биеийн тамир спортын газар, Эрдэнэт цэцэрлэгт хүрээлэн,  Эрүүл мэндийн газар,    төрийн бус байгууллагын төлөөллүүд  бэлтгэл хангаж байна. 
Өдөрлөг 10:00-18:00 цаг хүртэл үргэлжилнэ.