Монгол Улсын сайд, ЗГХЭГ-ын дарга Д.Амарбаясгалан “Малчдад туслах үйлчилгээний цэг”-тэй танилцлаа

Орхон аймгийн Жаргалант суманд "Шинэ хоршоо хөдөлгөөн"-ий “Малчдад туслах үйлчилгээний цэг” нээгдлээ.  Энэхүү улс орон даяар өрнөж буй “Шинэ хоршоо хөдөлгөөн”-ий талаар  малчдад мэдээлэл, арга зүйн зөвлөгөө өгөх анхны цэг болж байна. 

Тодруулбал, 21 аймгаас анхлан Орхон аймаг санаачлан Жаргалант сумандаа энэхүү цэгийг байгуулсан билээ.  Өнөөдөр манай аймагт нээлтээ хийсэн хойд бүсийн “Шинэ хоршоо хөдөлгөөн”-ийн үеэр Монгол Улсын сайд, ЗГХЭГ-ын дарга Д.Амарбаясгалан албаны хүмүүсийн хамтаар “Малчдад туслах үйлчилгээний цэг”-тэй танилцлаа.  Тэрээр, хөдөө аж ахуй, газар тариалан хосолсон Жаргалант сумын малчид “Шинэ хоршоо хөдөлгөөн”-д нэгдэж, үйлдвэрлэл явуулах олон боломж бийг онцолсон.