Монгол Улсын Төрийн албаны зөвлөлийн ажлын хэсэг Орхон аймагт ажиллаж байна

Монгол Улсын Төрийн албаны зөвлөлийн даргын тушаалаар байгуулагдсан ажлын хэсэг орон нутагт ажиллаж буй. Өнөөдөр  Ёс зүйн хорооны дарга, Төрийн албаны зөвлөлийн гишүүн Ц.Амартөгсөөр ахлуулсан ажлын хэсэг  манай аймагт ажиллаж байна. Албаны хүмүүсийг аймгийн Засаг даргын орлогч М.Түмэнжаргал тэргүүтэй холбогдох албаныхан хүлээн авч уулзан санал солилцохын зэрэгцээ  2017 оноос орон нутгаас  төрийн албан хаагчдаа дэмжих чиглэлээр хэрэгжүүлж буй хөтөлбөрүүдийнхээ талаар мэдээлэл өглөө. 

Үүний дараа ажлын хэсгийн гишүүд Төрийн албаны зөвлөлийн Орхон аймаг дахь салбар зөвлөлийн бүрэлдэхүүнтэй уулзалт хийв. 

Орон нутагт ажиллаж буй энэ удаагийн зорилго нь Төрийн албаны тухай хууль тогтоомжийн хэрэгжилтэд хяналт тавих, өнгөрсөн оны хяналт шалгалтаар өгсөн зөвлөмжийг үйл ажиллагаандаа тусгасан байдал, Төрийн албан хаагчийн ёс зүйн тухай хууль, хуулийг даган гарсан дүрэм, журмыг сурталчлан таниулах, Ёс зүйн дэд хороодод арга зүйн дэмжлэг үзүүлэх юм. 

Төрийн албан хаагчийн ёс зүйн хууль тогтоомжийн хэрэгжилт, Төрийн албаны зөвлөлийн 2023 оны үйл ажиллагааны тайлангийн танилцуулга, Төрийн албаны хууль тогтоомжийн хэрэгжилт, хяналтын талаарх  мэдээллийг танхимаар  67 байгууллагын 183 төрийн албан хаагч, цахимаар 100 цэгээс 1170 нийт 1353 албан хаагч оролцож  авлаа. 

Үдээс хойш ЗДТГ-ын Төрийн албан хаагчийн сургалтын танхимд  захиргааны 22 байгууллагын Төрийн албаны зөвлөлийн 2021 оны 275, 276 дугаар тогтоолын хэрэгжилттэй танилцах, 
2021 оны 10 дугаар сараас хойшхи хугацааны төрийн жинхэнэ албан хаагчийг сонгон шалгаруулж, томилох үйл ажиллагаа, хүний нөөцийн удирдлагын шийдвэрт хяналт шалгалт хийж, зөвлөн тусаллаа.  Мөн  А.Амарын танхимд Ёс зүйн дэд хороодын дарга, гишүүдэд  сургалт зохион байгууллаа.