Орон нутагт уур амьсгалын өөрчлөлтийг сааруулах, дасан зохицох үйл ажиллагааны төлөвлөгөөг боловсруулах сэдэвт бүсийн сургалт эхэллээ

Уур амьсгалын өөрчлөлтийг сааруулах, дасан зохицох үйл ажиллагааны төлөвлөгөөг боловсруулах сэдэвт  бүсийн хоёр өдрийн сургалт өнөөдөр манай аймагт эхэллээ. 

Сургалтад Орхон, Хөвсгөл, Булган, Сэлэнгэ,Дархан зэрэг 5 аймгийн 60 гаруй холбогдох албаныхан оролцож байна.

Манай аймаг уур амьсгалын өөрчлөлтийн эсрэг авах арга хэмжээ, урт хугацааны бодлогоор бусад аймгуудаа манлайлах зорилго тавьж, бодлогоо боловсруулсан. 

Энэ чиглэлээр авч хэрэгжүүлж буй сайн туршлагаа  бусад аймгууддаа танилцуулж хуваалцлаа. 

Энэхүү арга хэмжээг БОАЖЯ, Даян дэлхийн ногоон хөгжлийн институт бусад  холбогдох байгууллагуудын хамтаар хамтран зохион байгуулж байна. 

Даян дэлхийн ногоон хөгжлийн институт (ДДНХИ) нь "Үндэсний тодорхойлсон хувь нэмрийг хэрэгжуулэх техникийн болон тоголцооны чадавхыг бэхжүүлэх орон нутгийн хөгжлийн  төлөвлөлтөд уур амьсгалын өөрчлөлтийн асуудлыг тусгах нь" төслийг Уур амьсгалын ногоон сангийн санхуужилтээр хэрэгжуулж буй. 

Төслийн хүрээнд орон нутгийн бодлого, төлөвлөлтөд уур амьсгалын өөрчлөлтийн асуудлыг тусгах, цаашид аймгийнхаа уур амьсгалын өөрчлөлтийг сааруулах, дасан зохицох уйл ажиллагааны төлөвлөгөөг боловсруулах чадавх олгох сургалтыг Байгаль орчин, аялал жуулчлалын яам (БОАЖЯ), Уур амьсгалын өөрчлөлтийн судалгаа, хамтын ажиллагааны төв (VAOCXAT)-тэй хамтран 21 аймгийг хамруулан бүсчилсэн байдлаар зохион байгуулж байна.

Орхон аймаг уур амьсгалын өөрчлөлтийн эсрэг авах арга хэмжээ, урт хугацааны бодлогоор бусад аймгуудаа манлайлах зорилго тавин тус сургалтад 2023 оноос эхлэн 3 удаа хамрагдаж, уур амьсгалын төлөвлөгөөний бодлогоо боловсруулсан гэдгийг зохион байгуулагчид онцолсон. 

Сургалтын ур дүнд 12 аймаг уур амьсгалын өөрчлөлтийн нөлөөг сааруулах, дасан зохицох чиглэлийн урт хугацааны төлөвлөгөөтэй болно гэж үзэж буй аж. 

Орон нутийн бодлого төлөвлөлтөд уур амьсгалын өөрчлөлтийн асуудлыг тусгах, төлөвлөх, хэрэгжүүлэх, тайлагнах, хянах тогтолцоог тогтмолжуулснаар Монгол Улсын Ундэсний Тодорхойлсон Хувь Нэмэр (УТХН)-ийн зорилтын хэрэгжилтэд тодорхой дэмжлэг үзүүлэх  ажээ.

Мэдээллийн төв