Орхон аймгийн Засаг даргад М.Түмэнжаргалыг томилуулахаар нэр дэвшүүллээ

Аймгийн ИТХ-ын ээлжит бус 15 дугаар хуралдаан хуралдаж,  Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн хүрээнд Орхон аймгийн Засаг даргад нэр дэвшүүлэх тухай асуудлыг хэлэлцлээ. 

Орхон аймгийн ИТХ-ын МАН-ын бүлгээс аймгийн Засаг даргад М.Түмэнжаргалын  нэрийг дэвшүүлсэн бол танхимаас аймгийн ИТХ-ын төлөөлөгч С.Ганцогт өөрийн нэрийг дэвшүүлсэн. 
Хэлэлцэж буй асуудалтай холбоотойгоор нэр дэвшигчдээс төлөөлөгчид асуулт асууж, саналаа хэлэв. 

Ингээд нууцаар явуулсан санал хураалтын үр дүнд нэр дэвшигчдээс  олонхийн санал буюу 62 хувийн санал авснаар   аймгийн Засаг даргад М.Түмэнжаргалыг нэр дэвшүүллээ.  
Хурлын шийдвэрийг  Монгол Улсын Ерөнхий сайд батламжилж, Засаг даргаар томилох юм. 

Тэрээр 2023 оны арванхоёрдугаар сарын 8-наас хойш  дөрвөн  сар гаруйн хугацаанд Монгол Улсын Ерөнхий сайдын шийдвэрээр аймгийн Засаг даргын бүрэн эрхийг хэрэгжүүлж Засаг даргын  орлогчоор ажилласан. 

М.Түмэнжаргал нь 1973 онд Завхан аймгийн Тосонцэнгэл суманд төрсөн. Ам бүл 3 эхнэр,  охины хамт амьдардаг. 

БОЛОВСРОЛЫН БАЙДАЛ:
•    1980-1990 онд  Завхан аймгийн Тосонцэнгэл сумын 10 жилийн дунд сургууль
•    1994-1998 онд Санхүү Эдийн Засгийн Дээд сургуулийг “Банкны эдийн засагч, санхүүч ” мэргэжлээр 
•    2009-2011 онд БНХАУ-ын Бээжин хотын Хэл Соёлын дээд сургуулийг “Хятад хэл, соёл судлал” мэргэжлээр 
•    2015-2016 онд Иргэний улс төрийн боловсролын академийг Төрийн удирдлагын менежер мэргэжлээр
•    2016-2020 онд  ШУТИС-ийн Бизнесийн ахисан түвшний сургуулийг  Төрийн захиргааны удирдлагын Магистрын зэрэгтэй төгссөн.

МЭРГЭШҮҮЛСЭН БАЙДАЛ:
•    2020 онд  Удирдлагын академийн төрийн албаны сургуульд Төрийн захиргааны Ахлах түшмэлийн мэргэшүүлэх сургалтад хамрагдсан. 

АЖИЛ ЭРХЛЭЛТИЙН БАЙДАЛ:
•    1997-2001 онд “Эрднэр” ХХК-ийн захирал
•    2001-2002  онд Монгол Шуудан банкны 103 дугаар салбарын захирал
•    2001-2009 онд Монгол Шуудан ХК-ийн Орхон аймгийн Шуудангийн газрын дарга
•    2012 оны 5 сараас 12 сар хүртэл  Орхон аймгийн Засаг даргын зөвлөх
•    2012-2016 онд Орхон аймгийн Иргэдийн Төлөөлөгчдийн хурлын төлөөлөгч
•    2016-2017 оны 2 сар хүртэл  Орхон аймгийн намын хорооны Орон тооны дэд дарга
•    2016-2020 онд Орхон аймгийн Иргэдийн Төлөөлөгчдийн хурлын төлөөлөгч
•    2017-2020 онд  Эрдэнэт Хотын Захирагчийн албаны дарга бөгөөд  Ерөнхий менежер
•    2020-2022 онд Орхон аймгийн Засаг даргын орлогч
•    2020 оноос Орхон аймгийн Иргэдийн Төлөөлөгчдийн хурлын төлөөлөгч
•    2023 оны 10 сараас Орхон аймгийн Засаг даргын орлогч
•    2023 оны 12 сараас Орхон аймгийн Засаг даргын үүргийг түр орлон гүйцэтгэгчээр ажиллаж байна.

СОНГУУЛЬТ АЛБАН ТУШААЛ: 
-    1998 онд МАН- д гишүүнээр элссэн. 
-    1999 оноос Орхон аймгийн МАН-ын хорооны гишүүн 
-    1997-2005 Орхон аймгийн МАН-ын хорооны дэргэдэх Ардчилсан Социалист Залуучуудын холбооны Тэргүүлэгч
-    2003-2007 Орхон аймгийн МАН-ын хорооны дэргэдэх Ардчилсан Социалист  Оюутны     холбооны Тэргүүн
-    2009-2012  Хүрэнбулаг багийн МАН-ын үүрийн дарга
-    2009 оноос Монголын Зүүний Хүчний холбооны Бага хурлын гишүүн, Орхон аймгийн     Зүүний Хүчний Холбооны Нарийн бичгийн дарга, Тэргүүлэгч
-    2016 оноос МАН-ын хорооны Тэргүүлэгч гишүүн
-    2021 оноос Монгол Ардын намын Бага хурлын гишүүн