Барилгын сууриас гарсан шороог 2 байршилд буулгуулна

Өнгөрсөн даваа гаригийн Засаг даргын шуурхай зөвлөгөөнөөр барилгын сууриас гарч буй шороог буулгах байршлыг тодорхой болгох үүрэг даалгаврыг Засаг даргын орлогч М.Түмэнжаргал холбогдох байгууллагуудад өгсөн. 

 Энэ хүрээнд  аймгийн БОАЖГ-аас барилгын сууриас гарсан илүүдэл шороог хоёр  байршилд буулгуулахаар Баян-Өндөр сумын ЗДТГ-тай хамтран шийдвэрлэжээ. 
Тодруулбал, Баян-Өндөр сумын Эрдэнэ багийн Чингэлийн 55 дугаар гудамжинд эвдэрсэн карьерт буулгуулж, техникийн нөхөн сэргээлт хийлгүүлэх бол дараагийн байршил нь Говил багийн булагтын А, В хэсэгт халиа үүссэн хэсэгт шороон далан хийх юм байна.