Хууль, эрх зүйн зөвлөгөө мэдээллийг үнэ төлбөргүй үзүүлж байна

Зэст багийн байранд иргэдэд хууль, эрх зүйн анхан шатны зөвлөгөө мэдээллийг үнэ төлбөргүй үзүүлэх Хууль зүйн туслалцааны төв ажиллаж эхэллээ. 

Хууль зүйн туслалцааны тухай  хуулийн хүрээнд иргэдэд үйлчлэх юм. Мөн  энэхүү төв нь амжиргааны төвшин доогуур өрхийн гишүүдэд өмгөөллийн үнэ төлбөргүй туслалцаа үзүүлэхийн зэрэгцээ иргэдэд хууль зүйн зөвлөгөө мэдээлэл, эрх зүйн сургалт сурталчилгаа хийх чиг үүрэгтэй юм. 

    Түүнчлэн Аймгийн ЗДТГ-ын Хууль эрх зүйн хэлтсийн Эрх зүйн хөтөч нар иргэдэд эрх зүйн анхан шатны мэдээллийг биечлэн, гар утсаар болон цахимаар хүргэн ажиллаж байна. 
 Хууль зүйн туслалцааны төв нь анх Эрх зүйн туслалцааны төв нэртэйгээр 2008 онд аймгийн Нутгийн удирдлагын ордонд нэг өмгөөлөгчтэйгөөр үйл ажиллагаа явуулж эхэлсэн. 2014 онд Хууль зүйн дотоод хэргийн яамны харьяанд Хууль зүйн туслалцааны төвийг албан ёсоор  байгуулан улсын өмгөөлөгчийг ажиллуулж эхэлсэн. 

Уг төвд өдгөө  улсын гурван өмгөөлөгч, нэг туслахын хамтаар иргэдэд үйлчилгээ үзүүлж байна. 
Иргэд Танд хууль, эрх зүйн зөвлөгөө авах хэрэгцээ шаардлага байгаа бол хаана хэнд хандахаа мэдэхгүй байгаа бол  Зэст багийн байранд үйл ажиллагаа явуулж буй Хууль зүйн туслалцааны төвд хандахыг зөвлөж байна.