Гэр хорооллын үерийн далан, суваг шуудуунд үзлэг хийлээ

Шар усны үерээс урьдчилан сэргийлэх ажлын хүрээнд гэр хорооллын үерийн далан, суваг шуудуунд  Онцгой байдлын газар, Хотын захирагчийн алба, Хот тохижуулах газраас хамтарсан үзлэгийг үе шаттай хийж буй. 

Өнөөдөр мэргэжлийн байгууллагууд Уртын гол, Даваат багт ажиллаж, ус ихээр тунасан хэсэгт помпоор соруулах ажлыг зохион байгууллаа.  Мэргэжлийн байгууллагуудын  хамтарсан үзлэгийн дүгнэлтээр аймгийн хэмжээнд шар усны үер буух эрсдэлтэй 12 цэгийг тогтоосон. 

   Онцгой байдал үүссэн үед авч хэрэгжүүлэх арга хэмжээний төлөвлөгөөг гарган, хүн хүч болон техник, хэрэгслийн тооцоог гарган төвлөрүүлээд байна.  Үерийн далан, суваг шуудууг бөглөрөхөөс  сэргийлж  Шанд, Цагаанчулуут, Эрдэнэ, Дэнж, Булаг, Баянбулаг, Даваат, Цагаанчулуут багт нийт 15км шуудууг 75 хүн 3 техниктэйгээр 75м3 хог хаягдлыг цэвэрлэсэн. 

Албаныхан ААНБ-ууд, иргэдийг  ил задгай хог хаягдлаа хаяхгүй байх, тэр тусмаа үерийн хамгаалалтын далан суваг, шуудуунд хогоо хаяхгүй байхыг хүслээ.