Орон нутагт нэн шаардлагатай мэргэжлээр 30 хүүхдийг БНСУ-д 100 хувийн тэтгэлгээр сургана

Засаг даргын шуурхай зөвлөгөөн боллоо. Шуурхай зөвлөгөөнийг Засаг даргын орлогч М.Түмэнжаргал удирдан явуулав.  Шуурхайн эхэнд аймгийн Онцгой байдлын газар, Цагдаа, Эрүүл мэндийн газар зэрэг байгууллагууд сар шинийн өдрүүдийн нөхцөл байдлын талаар мэдээлэл хийлээ. 

Үүний дараа Засаг даргын орлогч М.Түмэнжаргал хэд хэдэн чиглэлээр үүрэг даалгаврыг  холбогдох хэлтэс, агентлагийн удирдлагуудад өгсөн. 

   Сар шинийн өмнө УИХ-ын гишүүн Д.Батлут, ИТХ-ын дарга Д.Мөнхбат, Засаг даргын орлогч М.Түмэнжаргал тэргүүтэй албаны хүмүүс БНСУ-д албан томилолтоор ажилласан. 
Тодруулбал,  БНСУ-ын  Сүнчон хотын  Улсын их сургуультай Орхон аймаг, Эрдэнэт хот хамтын ажиллагааны гэрээг үзэглэж,   30 хүүхэд Сунчон хотын их сургуульд 100 хувийн тэтгэлэгтэйгээр суралцах боломж бүрдсэн. 

Ингэхдээ жилд 30 оюутан Сүнчонийн  их сургуульд суралцахад хэлний бэлтгэлийн нэгдүгээр семестрийн төлбөрийг орон нутгаас 100 хувь төлж хоёрдугаар семестрийн төлбөрт суралцагчийн амжилтаас хамааран Сүнчон их сургууль 30 хүртэл хувиар хөнгөлөлт үзүүлэх юм. 

   Энэ талаар Засаг даргын орлогч М.Түмэнжаргал Боловсрол шинжлэх ухааны газар, Нийгмийн бодлогын хэлтэст 30 оюутныг сургах журам боловсруулах үүргийг өгөв. Тэрээр, эхний ээлжинд орон нутагтаа нэн шаардлагатай мэргэжлээр сургах эхлэлийг тавина. Бусад шалгуур үзүүлэлтийг журамдаа сайн тусгаж, олон нийтэд мэдээлэл өгөх нь  зүйтэй” гэлээ.