Д.Содномжамц: Ус түгээгчтэй 13 худаг шинийн 1,2-нд амраад, шинийн 3-наас хуваарийн дагуу ажиллана

Сар шинийн баярыг  угтан  “Эрдэнэт ус дулаан түгээх сүлжээ” ОНӨХК-иас хэрэглэгчдийн найдвартай бэлэн байдлыг хангах чиглэлээр авч хэрэгжүүлж буй арга хэмжээ, мөн гэр хорооллын Ус түгээх байрууд иргэдэд хэрхэн үйлчлэх талаар дараахь мэдээллийг  тус компанийн ерөнхий инженер Д.Содномжамц өглөө. 

     Аймгийн хэмжээнд гэр хороололд ус түгээх 95 байр  бий. Үүний 24 нь зөөврийн машинаар усаа авдаг. Эдгээр ус түгээх байрны 11  нь ухаалаг 24 цагаар иргэдэд үйлчилдэг.  Үлдсэн 13-т нь өдрийн 8 цагаар ус түгээгч сууж ус түгээдэг. Битүүний өдөр Ус түгээх бүх байрууд ажиллана. Шинийн 1,2-нд амарна. Шинийн 3-наас  ус түгээгч суудаг 13 Ус түгээх байр цагийн хуваарийн дагуу ажиллана. 

Шинийн 4-нд  мягмар гаригт хуучин хуваарийн дагуу амраад хэвийн горимдоо орно. Сар шинэ болох гэж буйтай холбоотойгоор усны хэрэглээ өсөж байна. Гурван усны машин зэрэг ус түгээж байна. Нэмэлтээр  Ойн ангиас нэг машиныг бэлэн байдалд авсан. 

     Аймгийн хэмжээнд 4000 орчим усны, дулааны, бохирын, үерийн усны шугам сүлжээний худгийн таг бий. Эдгээрт үзлэг, шалгалт үйлчилгээг хийлээ.  Мөн 3500 орчим бохирын худагт үзлэг хийж, урсацын хэвийн найдвартай байдлыг шалган ажиллалаа. Шугам сүлжээний намжилт өндөрссөнтэй холбоотойгоор сүүлийн үед гэмтэл, аваар ихээр гарч байна. 4 дүгээр микрт гэхэд  долоо хоногт  3,4 удаагийн гэмтэл гарсныг хэвийг болголоо.  

Мөн манай  байгууллагаас сар шинийн өдрүүдэд ажиллах хариуцлагатай эргүүл жижүүрийн хуваарийг гаргасан. Сар шинийн баярын өдрүүдэд эвдрэл, гэмтэл гарлаа гэхэд шуурхай бүрэлдэхүүн ажиллана.