Уулзалтын үеэр иргэдээс 540 гаруй санал хүсэлт гарлаа

         Өнгөрсөн долоо хоногт зохион байгуулсан иргэдтэй хийх уулзалтын үеэр гарсан санал хүсэлтийн шийдвэрлэлтийн явцын үр дүнг 14 хоногийн дотор зохион байгуулж танилцуулах үүргийг аймгийн Засаг дарга С.Батжаргал холбогдох албаныханд өглөө. 
          Орхон аймгийн ирэх 2024 оны төсвийн хөрөнгө оруулалт, бүтээн байгуулалтын ажилд иргэдийн саналыг тусган хэрэгжүүлэх зорилгоор аймгийн Засаг дарга С.Батжаргал Баян-Өндөр, Жаргалант сумын иргэдтэй хийх уулзалтыг өнгөрсөн долоо хоногт зохион байгуулсан. 
          Уулзалтыг багаар нь бүсчлэн нийт 13 байршилд зохион байгуулж 1000 гаруй иргэн оролцож, 540 гаруй санал хүсэлтийг гаргажээ. Иргэдээс авто зам нийтийн тээвэр, хог хаягдал татан авалт, тог цахилгааны хүчдэлийн асуудал, камержуулалт, гэрэлтүүлэг, түлээ нүүрсний үнэ, СӨХ-д зэрэг асуудлыг шийдвэрлэх талаар гаргасан санал хүсэлтүүд гарсан юм. Иймд иргэдээс гарсан дээрх санал хүсэлтийн шийдвэрлэлтийн явцын үр дүнг 14 хоногийн дотор танилцуулах үүргийг аймгийн Засаг дарга өглөө. 

Мэдээллийн төв