БОЭТ-ийн Амбулаторийн үзлэгийн цагийг дөрвөн төрлөөр захиалах боломжтой

Өнгөрсөн хоёрдугаар сард аймгийн Засаг дарга С.Батжаргал Баян-Өндөр, Жаргалант сумын иргэдтэй уулзах үеэр БОЭТ-ийн цаг товлох үйл ажиллагааг сайжруулах санал ихээр гаргаж байв.  Иргэдийн санал хүсэлтийг шийдвэрлэхэд анхаарч БОЭТ-ийн Амбулаторийн үзлэгийн цагийг үе шаттай сайжруулах арга хэмжээнүүдийг авч байна. 

Эмчийн үзлэгийн цагийг өмнө нь 1-2 сарын хүлээгдэлтэй өгдөг байв.  Энэ нь  тухайн өдөр цаг авсан үйлчлүүлэгч ирэхгүй байх тохиолдол их, зохиомол хүлээгдэл үүсэж байсан тул эмчийн үзлэгийн цагийг 7 хоногоор өгөх зохицуулалт хийсэн.
Өмнө нь нэг эмчтэй хүлээгдэл ихтэй байсан элэг цөс, эмэгтэйчүүд, Хүүхдийн кабинет энэ сараас хоёр  эмчтэй ажиллаж эхэлсэн.  Амбулаторийн эмчийн үзлэгийн цагийг иргэд дараах байдлаар захиалах боломжтой.

Үүнд:
1.    Өөрийн биеэр ирэх
2.    77000040 утсаар 
3.    ЭМХТ-ийн 1800-0119 утсаар
4.    E-mongolia аппликейшин ашиглах

Өнөөдрийн байдлаар 195,878 иргэнд цаг товлолын үйлчилгээ үзүүлсан бөгөөд ангилж үзэхэд  өөрийн биеэр ирэх – 157,909, 77000040 утсаар 34,848, ЭМХТ-ийн 1800-0119 утсаар 148, E-mongolia аппликейшин ашиглан  2,972 иргэн тус тус цаг захиалж эрүүл мэндийн тусламж үйлчилгээ авчээ.  Эмнэлгийн үйлчилгээнд албан бус төлбөр нэхсэн, хүнд сурталтай холбоотой гомдлыг хүлээн авч түргэн шуурхай шийдвэрлэн ажиллаж байна.