Булган аймгийн холбогдох албаны хүмүүс цахимжуулалтаар туршлага судаллаа

Булган аймгийн  холбогдох албаны хүмүүс өнөөдөр Орхон  аймгийн цахимжуулалтын чиглэлээр хийж буй ажилтай танилцаж, туршлага судаллаа.

Тодруулбал, аймгийн "Цахим Эрдэнэт" хөтөлбөрийн хүрээнд хэрэгжүүлж буй "Смарт Эрдэнэт" гар утасны аппликейшн, Цахим төв, Мэдээлэл шуурхай удирдлагын төвийн үйл ажиллагаатай танилцаж мэдээлэл солилцов. 

Монгол Улсын Засгийн газраас зарласан “Цахим үндэстэн” бодлогын хүрээнд  орон нутагт жишиг болохуйц олон ажлуудыг  “Цахим Эрдэнэт -1” хөтөлбөрийн хүрээнд санаачлан хийж буй.

Хөтөлбөрийн хүрээнд энэ онд 

төрийн байгууллагын 215 төрлийн үйлчилгээг, албан хаагчийн оролцоогүйгээр авах боломжтой “ЦАХИМ ТӨВ”-ийг орон нутгийн төсвийн хөрөнгө оруулалтаар ашиглалтад оруулсан.

24 цагийн ажиллагаатай уг төвөөс иргэн хуулийн этгээдийн бүхий л төрлийн үйлчилгээг авахаас гадна арилжааны банкуудын төлбөр тооцооны киоск машинуудаар үйлчлүүлэх боломжтой юм.

Төр хувийн хэвшлийн үзүүлж буй үйлчилгээний талаарх цогц мэдээллийг агуулах “СМАРТ ЭРДЭНЭТ” платформыг хэрэглээнд нэвтрүүлж эхэлсэн.

Энэ нь эрүүл мэнд, боловсрол, нийтийн тээвэр, аялал жуулчлал, төр захиргаа, санал хүсэлт, цаг товлол, төлбөр тооцоо зэрэг 10 гаруй төрлийн үйлчилгээг нэгтгэж, бизнес эрхлэгчдийг дэмжсэн, үндэсний дата төвтэй холбогдсон, чатбот мэдээллийн систем бүхий цогц аппликейшн юм.

Мэдээллийн төв