Төвийн бүсийн музейн ажилтнуудын мэргэжлийн ур чадварыг дээшлүүлэх сургалт өнөөдөр эхэллээ

Монголын Үндэсний музей, Орхон аймгийн музей хамтран  зохион байгуулж буй “Төвийн бүсийн музейн ажилтнуудын мэргэжлийн ур чадварыг дээшлүүлэх  нь” сэдэвт хоёр өдрийн сургалт өнөөдөр эхэллээ.  Сургалтад Хөвсгөл, Дархан, Булган, Архангай, Сэлэнгэ зэрэг зургаан аймгийн музейн удирдлага, арга зүйч, эрдэм шинжилгээний ажилтан, бүртгэл мэдээллийн санч, тайлбарлагч зэрэг ажилтан алба хаагчид оролцож байна. 

Монголын үндэсний музей нь төрөл үйл ажиллагааны чиглэлээр бусад музейг мэргэжил арга зүйгээр хангах зорилгоын хүрээнд энэхүү сургалтыг зохион  байгуулж буй. 
Бичмэл болон аман тайлбарыг сайжруулах,мэргэжлийн төвшинд боловсруулах, хадгалалт хамгаалалтын хэвийн нөхцлийг бүрдүүлэх мэдлэг чадварыг эзэмшүүлж, ур чадварыг дээшлүүлэх нь энэхүү сургалтын зорилго юм.  Сургалт маргааш өндөрлөнө. 

Мэдээллийн төв