Испани, Австралийн эмч нар БОЭТ-д ивэрхийн үзлэг, шинжилгээ, мэс засал хийж байна

Улсын II төв эмнэлгийн эмч нараар ахлуулсан Испани, Австралийн эмч нар БОЭТ-д ажиллаж байна.  Олон Улсын ивэрхийн сан, Улсын II төв эмнэлгийн хамтын ажиллагааны хүрээнд 10 дахь жилдээ Ивэрхий Олон Улсын сургалтыг "Ивэрхийн мэс заслын орчин үеийн чиг хандлага" сэдвээр зохион байгуулж байгаа юм. 

Эмч нарын баг бүрэлдэхүүнд испанийн гурав, австралийн 1, Улсын II төв эмнэлгийн 6 эмч багтжээ.  Олон улсын эмч нарын баг Монгол Улсад 10 хоног ажиллахаас 5 хоногт нь манай аймгийн иргэдэд ивэрхийн үзлэг, шинжилгээ, мэс заслыг хийнэ. Тодруулбал, энэ сарын 20 буюу баасан гариг хүртэл манай аймагт ажиллах юм.  Ингэхдээ ивэрхийн үзлэг шинжилгээ,  мэс заслийн тусламж үйлчилгээг иргэдэд үзүүлнэ. 

БОЭТ-ийн Мэс заслын тасаг эвэрхийн хагалгаа түүнд тор тавьж нөхөх, цавины эвэрхийг дотооддоо эмчилдэг. Олон улсын эмч нар эдгээр өдрүүдэд орон нутагт хийх боломжгүй хүнд хэлбэрийн мэс заслыг хийх юм.

 Иймд иргэд та бүхэнд  энэ төрлийн эмчилгээ, оношилгоо хэрэгтэй бол олон улсын эмч нарын баг нээлттэй гэж уламжиллаа.  Түүнчлэн орон нутгийн эмч нар ажлын байран дээрээ олон улсын эмч нараас туршлага судалсан, мэдээлэл солилцох боломж олдсон үр дүнтэй хамтын ажиллагаа болно гэж харж байна.