Соёлыг түгээе аян нээлтээ хийлээ

Аймгийн ЗДТГ-аас санаачлан хэрэгжүүлдэг "Соёлыг түгээе" аян  гурав дахь жилдээ  "Эерэг хандлагатай Эрдэнэт" уриатайгаар өнөөдөр Засаг даргын шуурхай зөвлөгөөний үеэр  нээлтээ хийлээ. 

Эерэг хандлагатай, харилцааны өндөр соёлтой, хариуцлага, үүргээ ухамсарласан иргэдтэй Эрдэнэт хотыг бий болгох нь энэхүү аяны зорилго юм. Хоёр  сарын хугацаанд үргэлжлэх аяны хүрээнд иргэд, аж ахуйн нэгж байгууллагын ажилтан албан хаагчид, олон нийт рүү чиглэсэн  соёл нөлөөллийн олон талт  үйл ажиллагааг хоёр сарын турш зохион байгуулах юм. 

   Тухайлбал, энэ удаад үйлчилгээний  байгууллагууд  руу чиглэсэн арга хэмжээг өргөн хүрээнд зохион  байгуулахаар төлөвлөжээ. Ингэхдээ томоохон худалдааны төв, үйлчилгээний байгууллага дээр нэг өдрийн турш эрүүл мэндийн тусламж, хуулийн болон сэтгэл зүйн зөвөлгөө, зөөврийн номын сан, музей зэрэг үйлчилгээг цогцоор хүргэх аж.  Түүнчлэн, зарим томоохон худалдааны төвүүдийг аяны хугацаанд өглөө эрт онгойлгож, орой хаах цагийн зохицуулалтыг туршилтаар хийх юм байна.
"Соёлыг түгээе" бэлтгэл ажил, төлөвлөгөөг хэлэлцэх үед үйлчилгээний байгууллагын салбарын төлөөлөлтэй ажлын хэсэг уулзаж санал солилцоход  дэмжиж буйгаа илэрхийлжээ. 

Мэдээллийн төв