Ерөнхий боловсролын 24 сургуулийн орчинд 508 ширхэг хяналтын камер ажиллаж байна

Аймгийн ерөнхий боловсролын 24 сургуулийн гадна, дотор орчинд 508 хяналтын камер ажиллаж байна. Үүний 86 нь  гадна орчинд,  422 нь дотор  анги танхимд байна. 

Мөн төрийн өмчийн 30 цэцэрлэгт гадна 70, дотор анги танхимд 486 хяналтын камер ажиллаж байна гэж БШУГ-ын дарга О.Ариунгэрэлт өнөөдрийн Засаг даргын шуурхай зөвлөгөөнөөр мэдээллээ.

Сургууль, цэцэрлэгийн орчны хяналтын камерыг нэмэгдүүлэх, зарим хэсгийг нь сольж шинэчлэх шаардлагатай учир ирэх оны төсөвт санал хүргүүлэхээ тэрээр хэллээ.  2022 онд орон нутгийн төсвийн 104 сая төгрөгөөр V сургуульд 96 хяналтын камер суурилуулсны гадна орчинд 6 камер суурилуулжээ.