Он дуустал гудамжны болон авто замын 770 ширхэг гэрэлтүүлгийн толгойн нөхөлт хийнэ

Аймгийн төв зам, байр хоорондох, гудамж гэрлийн 8537 шонгийн 10350 гэрэлтүүлэгтэй. Энэ онд дуу цахилгаантай  бороо их орсны  улмаас гэрэлтүүлгийн байгууламжуудын кабель, гэрэл, тэжээлийн блоконд гэмтэл ихээр  гарсныг мэргэжлийн байгууллагаас хэллээ. 

2023 онд гэрэлтүүлгийн  засварт  орон нутгийн төсвөөс 357 сая төгрөгийг баталж, шаардлагатай ажлуудаа хийж гүйцэтгэжээ.  2024 он хүртэл гэрэлтүүлгийн асалтыг хэвийн байлгахын тулд сэлбэг материалыг авахаар 100 сая төгрөгийг нэмэлтээр шийдвэрлэсэн. Тус хөрөнгөөр 150 Вт, 126Вт чадалтай 238 ш гэрлийн толгой, 2210метр урттай кабель шинэчилхээр төлөвлөж байна.
Хотын нийт гэрэлтүүлгийн асалтыг сайжруулахтай холбогдуулан 10-12 дугаар саруудад нийт 25 багийн 238 цэгт кабелийн гэмтлийг тодорхойлж засварлах, гудамжны болон авто замын 770 ширхэг гэрэлтүүлгийн толгойн нөхөлт хийх ажлын төлөвлөгөөг гаргажээ. 

Баян-өндөр сумын  117  нийтийн орон сууцанд 37345 метр фасадны туузан гэрэлтүүлэгтэй. 111 ширхэг нийтийн орон сууцны фасадны гэрэлтүүлгийн хэвийн байдлыг хангаж 100  сая төгрөгийг Онцгой комиссын зардлаас шийдвэрлэсэн. Өнөөдрийн байдлаар гэр хорооллын гэрэлтүүлгийн асалт 88, хотын төвийн гэрэлтүүлгийн асалт 96 хувьтай байна.