Засаг даргын шуурхай зөвлөгөөний ТОЙМ

Даваа гаригийн Засаг даргын шуурхай зөвлөгөөнийг Засаг дарга С.Батжаргал удирдан явууллаа. Шуурхай зөвлөгөөнөөр өнгөрсөн долоо хоногийн үүрэг даалгаврын биелэлтийг хэлэлцэв. Мөн хэлтэс агентлагийн удирдлагуудад иргэдээс ирүүлсэн санал хүсэлтийн шийдвэрлэлтэд анхаарахыг санууллаа. 

Өнгөрсөн баасан гаригт Монгол Улсын Ерөнхий сайд Орхон аймагт ажиллаж, иргэдтэй уулзах үеэрээ  аймаг орон нутагт тулгамдаад буй  хэд хэдэн суудлыг эрэмбэлж  2024 оны улсын төсвийн хөрөнгө оруулалтад тусгаж шийдвэрлэхээр болсон. Мөн зарим асуудлыг орон нутгийн төсвөөр  шийдэх боломжийг олгосон билээ. 

Монгол Улсын Ерөнхий сайд Л. Оюун-Эрдэнэ Орхон аймгийн иргэд хөдөлмөрчидтэй уулзах үеэрээ Эрдэнэт хот доторх авто замын засвар шинэчлэлтэд "Эрдэнэт үйлдвэр" ТӨҮГ-аас 50 тэрбум төгрөгийг төлөвлөж шийдвэрлэх талаар үүрэг болгосон. Ингэхдээ энэхүү шийдвэрээ  энэ жил "Эрдэнэт үйлдвэр" ТӨҮГ-ын 45 жилийн ой тохиож буй. Ойгоо угтан орон нутагтаа хийж буй томоохон бүтээн байгуулалт байх болно гэдгийг онцолсон юм. 

Мөн иргэдийн болон албаныхны санал хүсэлтэд тулгуурлан   суурьшлын шинэ бүс VII болон IIа хороололд 960 хүүхдийн суудалтай сургууль барих санхүүжилтыг 2024 оны улсын төсөвт суулгахаар шийдвэрлэсэн. 

Өнөөдрийн Засаг даргын шуурхай зөвлөгөөнөөр  Засаг дарга С.Батжаргал дээрх асуудлуутай  холбоотой үүрэг даалгаврыг хэлтэс, агенлагуудын удирдлагуудад өгөв. Тэрээр,  зураг төсвөө эртнээс боловсруулж ажилд хариуцлагатай хандахыг сануулав. Хаана ямар байршилд нөхөлт хийх, хаана шинэ зам тавих, хаана сайжруулсан зам, хаана дугуйн зам хийх вэ  гээд бүгд тодорхой байх ёстой гэлээ.  Мөн газрын захирамж, зураг төсөв гэхчлэн шаардлагатай бүхий л баримт бичгийн бүрдэлд анхаархыг үүрэг болголоо. 

• Холбогдох байгууллагууд өвөлжилтийн бэлтгэл ажлын төлөвлөгөөнд тусгаснаас өөр хүндэрч болзошгүй  анхаарах асуудал юу байна вэ. Үүнд анхаарах 
• БОАЖ-ын газар намрын бүх нийтээр мод тарилтынхаа бэлтгэл ажлыг сайтар ханга. Хаана ямар байршилд хэдэн мод тарих мэдээллээ иргэддээ хүргэ. Бид уг нь цэцэрлэгт хүрээлэн байгуулья гэж эхлүүлсэн. Үүндээ анхаарч, ач холбогдол өгөөрэй. Нэг хэсэг газрыг моджуулаад ойжуулья гэж зорьж эхлүүлсэн ажил. Энд тэнд тархай бутархай газарт мод тариад ургаж байгаа эсэх нь ойлгомжгүй асуудал байж болохгүй гэв. 

Ерөнхий сайд Орхон аймгийн иргэдтэй уулзах үеэр аймаг орон нутгаас хийж хэрэгжүүлж буй цахимжуулалтаар Орхон аймаг түүчээлж буйг онцолж талархал  илэрхийлсэн. Цахимтай холбоотой ажилд гар бие оролцож буй хүн бүхэнд  талархал илэрхийлье. Ерөнхий сайд аймгуудыг тойрч хамгийн сүүлд манай аймагт ажилласан. Бусад аймгуудтай харьцуулж үнэлэлт дүгнэлт өгсөн гэж бодож байна гэж Засаг дарга С.Батжаргал хэллээ.