Ирэх онд 200-270 тонн малын мах нөөцөд бэлтгэнэ

 Аймгийн хэмжээнд үйл ажиллагаа явуулдаг гурван махны үйлдвэртэй хамтран 2024 онд 1680 тн малын мах, 12 махны төрөлжсөн дэлгүүрүүдэд нийт 400 тонн малын мах нөөцлөхөөр төлөвлөөд байна. 
       Монгол Улсын Засгийн газрын 2023 оны 07 сарын 19-ний өдрийн 279 дүгээр тогтоолоор аймгийн нийт хүн амын 2024 оны хаврын махны хэрэгцээг 90 хоногоор тооцоход 926.8 тонн малын мах хэрэгцээтэй гэсэн тооцолол гарчээ. Үүний 30.0 хувь буюу 200-270 тонн махыг нөөц хэлбэрээр бэлтгэх ажээ. Үүнд орон нутгийн төсвөөс 500 сая төгрөг батлагдсан. Үйлдвэрийн аргаар мах бэлтгэн нийлүүлэх аж ахуйн нэгжийг сонгон шалгаруулах ажлыг энэ есдүгээр сард багтаан хийхээр төлөвлөжээ.