ИТХ-ын ээлжит 16 дугаар хуралдаанаар хотын өвөлжилтийн бэлтгэл ажлыг хэлэлцэж байна

Аймгийн ИТХ-ын ээлжит 16 дугаар хуралдаанаар Эрдэнэт хотын 2023-2024 оны өвөлжилтийн бэлтгэл ажлыг хэлэлцэж байна. 
Хотын өвөлжилтийн бэлтгэл хангах ажлын явц  энэ сарын 13-ны өдрийн  байдлаар бүрэн хэрэгжиж дууссан 9 ажил, 65-90 хувийн хэрэгжилттэй 33 ажил, хугацаа болоогүй болон худалдан авах ажиллагаа зарлагдсан 6 ажил, нэг ажлын хөрөнгө шилжжээ. Нийт дүнгээрээ хотын өвлийн хэрэгжилтийн биелэлт 79 хувьтай үргэлжилж байна. 
•    Улсын төсвийн 10 тэрбум төгрөгийн  хөрөнгө оруулалтаар  дөрвөн ажил, 
•    Европын сэргээн босголт хөгжлийн банкны 54,3 тэрбум төгрөгийн санхүүжилтээр нэг ажил, 
•    Дэлхийн банкны  12,8 тэрбум төгрөгийн санхүүжилтээр нэг ажил, 
•    Орон нутгийн төсвийн 17.1 тэрбум төгрөгийн санхүүжилтээр 14 нэр төрлийн ажил,
•    Хангагч байгууллагын дотоод зохион байгуулалтын ажлын хүрээнд  17,8 тэрбум төгрөгөөр 29 нэр төрлийн ажлыг тус тус гүйцэтгэж байна. 

Өвөлжилтийн бэлтгэл ажлын хүрээнд  орон нутгийн төсвөөр 14 нэр төрлийн ажил төлөвлөснөөс 45 хувийн гүйцэтгэлтэй байна. 
Инженерийн шугам сүлжээтэй холбоотой 9 ажлыг орон нутгийн санхүүжилтээр хийж байгаагаас гурван ажил 100 хувийн гүйцэтгэлтэй дууссан.  Бусад ажил төлөвлөгөөний дагуу хийгдэж байна гэж мэдээлллээ.