Гэр хорооллын гэрэлтүүлгийн асалт 82 хувьтай, авто зам дагуух 96 хувьтай байна

Эрдэнэт хот 10 мянга орчим гэрэлтэй.  Гэр хороолол зургаан мянга, авто зам дагуу  төв хэсэгт 3500 гаруй гэрэлтүүлэг бий.  2023 онд гэрэлтүүлгийн 25 ажлын гүйцэтгэлд Хот байгуулалт барилга захиралагчийн албанаас хяналт тавьсан.

Энэ жил орон нутгийн төсвийн хөрөнгө оруулалтаар гэр хорооллын болон орон сууцны хороололд  нийт 586 ширхэг гэрлийг шинээр хийгээд байна. Үүнээс орон сууцны хорооллын 6 багт 170 ширхэг гэрэлтүүлэг хийв.  Цамхагт гэрэлтүүлгийг Жаргалант суманд 5, Даваат багт нэгийг нийт  6 байршилд суурилуулсан.  Тухайлбал, орон нутгийн төсвийн 200 сая төгрөгийн хөрөнгө оруулалтаар хотын төв зам дагуух гэрэлтүүлгийн “Орхонтек” ХХК хийж гүйцэтгэсэн.

Мөн гэр хорооллын алслагдсан баг Яргуйт, Уртын гол багийн гэрэлтүүлгийг сайжруулсан билээ.  “Эрдэнэт ус, Дулаан түгээх сүлжээ” ОНӨХК-иас хотын авто зам дагуух гэрэлтүүлгийн асалт 96 хувьтай, орон сууцны хорооллын гэрэлтүүлгийн асалт 98 хувь, гэр хорооллын гудамж талбайн гэрэлтүүлэг 82 хувийн асалттай байна гэж мэдээллээ.