Хүнс, хөдөө аж ахуйн чиглэлээр олгож буй хөнгөлөлттэй зээлийн мэдээлэл

Монгол Улсын Засгийн газраас хэрэгжүүлж буй Хүнсний болон хөдөө аж ахуйн үйлдвэрлэлийг дэмжих хөтөлбөрөөс энэ сарын 20-ны өдрийн  байдлаар 12 аж ахуйн нэгж, 17 иргэнд нийт 5.54 тэрбум төгрөгийн хөнгөлөлттэй зээлийг олгов. 

• Хүнсний үйлдвэрлэлийн салбарт

Хоёр аж ахуйн нэгжид 440  сая төгрөгийн эргэлтийн хөрөнгийн зээл, хоёр  аж ахуйн нэгжид 426  сая төгрөгийн хөрөнгө оруулалтын зээл олгогдсон.

• Газар тариалангийн үйлдвэрлэлийн салбарт

Таван аж ахуйн нэгжид 1 тэрбум 475.7 сая төгрөг, 16 иргэнд 475.9 сая төгрөгийн эргэлтийн хөрөнгийн зээл,  гурван аж ахуйн нэгжид 1 тэрбум 189.5 сая төгрөг, нэг иргэнд 35  төгрөгийн хөрөнгө оруулалтын зээл олгогдсон. 

• Эрчимжсэн мал аж ахуйн үйлдвэрлэлийн салбарт 

 Нэг аж ахуйн нэгжид 1 тэрбум 500 сая төгрөгийн эргэлтийн хөрөнгийн зээл олгогдсон.

Хөтөлбөрийн үр дүнд 26 ажлын байр шинээр нэмэгджээ.   Жижиг, дунд үйлдвэрийг хөгжүүлэх сангаас 5 аж ахуйн нэгжид 894.0 сая төгрөгийн хөнгөлөлттэй зээлийг олгосон байна.