Есдүгээр сарын 4-нөөс сургууль, цэцэрлэгийн хоол үйлдвэрлэлийн үйл ажиллагаанд шалгалт хийнэ

Даваа гаригийн Засаг даргын шуурхай зөвлөгөөнөөр сургууль, цэцэрлэгийн бэлтгэл ажилтай холбоотой мэдээллийг салбар байгууллагуудын удирдлагууд хийв. 

БШУЯ, ЭМЯ, ХХААХҮЯ-ны салбарын ерөнхий байцаагчдын хамтран баталсан 2023 оны 03/00/20 дугаартай удирдамжийн дагуу ЕБС-ийн 24,  цэцэрлэгийн 40 цайны газруудын хоол үйлдвэрлэлийн үйл ажиллагаанд урьдчилан сэргийлэх хяналт шалгалтыг БШУГ, ЭМГ-ын улсын байцаагчидтай хамтран ирэх сарын 4-нөөс хийх аж. 

   Шалгалтаар хүүхдийн хоол хүнсний хангамж, нийлүүлэлт, ерөнхий боловсролын сургуулийн хоол үйлдвэрлэл, үйлчилгээ тухай хуулийг хэрэгжүүлэх нөхцөлийг бүрдүүлсэн байдал, хүнсний бүтээгдэхүүний чанар, аюулгүй байдлын баталгаажилт зэрэгт хяналт тавина. Мөн дотоод хяналтын тогтолцоо бүрэлдсэн байдлыг хангуулах зорилгоор, хоол үйлдвэрлэл, үйлчилгээний үйл ажиллагааг 8.10.2 хяналтын хуудасны дагуу шалгаж, эрсдэлийг үнэлэх юм.