Орхон аймаг боловсролын салбарын шинэчлэлийг манлайлан ажиллаж байна

Өнөөдөр Улаанбаатар хотод зохион байгуулж буй “Боловсролын шинэ сэргэлт” чуулганы үеэр БШУ-ны сайд Л.Энх-Амгалан багш боловсон хүчнээ дэмжиж, боловсролын салбарын шинэчлэлийг манлайлан ажиллаж байгаа зургаан аймгийг  нэгээр Орхон аймгийг нэрлэлээ. 
       Орхон аймагт төрийн болон хувийн өмчийн 24 сургуульд 1205 багш, 39 цэцэрлэгт 650 гаруй багш, сурган хүмүүжүүлэгч ажилладаг. Эдгээр  багш, ажилтны хөгжлийг дэмжиж, мэдлэг, боловсрол, ур чадварыг нэмэгдүүлэх, тэдний ажиллах орчин нөхцлийг сайжруулах, багшийн нэр хүнд, үнэлэмжийг дээшлүүлж, нийгмийн баталгааг хангах зорилгоор “Багш” хөтөлбөрийг хэрэгжүүлэн ажиллаж байна. Энэ онд Багш хөтөлбөрийн хүрээнд ЭЕШ-д сурагчдаа амжилттай бэлтгэсэн 8 багшийг 4.0 сая төгрөгөөр урамшуулсан. Түүнчлэн Улаанбаатар хот болон Япон,  Холбооны Бүгд Найрамдах Герман улсад сургалтад хамрагдах, тэмцээн уралдаанд оролцох багш ажилтнуудад нийт 15,4 сая  төгрөгийн дэмжлэг үзүүлсэн байна. 
        Мөн өнгөрсөн хичээлийн жил улсын төсвийн 1,7 тэрбум төгрөгийн хөрөнгө оруулалтаар ЕБС-ийн 1135 багшид таблет, СӨББ-ын 425 багшид зөөврийн компьютерыг хүлээлгэн өгсөн. Харин энэ онд улсын төсвийн 1,1 тэрбум, орон нутгийн төсвийн 3,4 тэрбум төгрөгийн хөрөнгө оруулалтаар ЕБС, СӨББ болон багш ажилчдыг  шаардлагатай тоног төхөөрөмж, сургалтад ашиглах техник хэрэгслээр хангах юм.  

Мэдээллийн төв