Орхон аймгийн уран бүтээлчид "Туургатны нутаг" язгуур урлагийн тоглолтоо толилууллаа

Монгол Улсын Засгийн газрын 2023 оны 183 дугаар тогтоолын дагуу “Нүүдэлчин” дэлхийн соёлын фестиваль өнөөдөр Улаанбаатар хотын Налайх дүүргийн “Тайж хайрхан”-ны өвөрт эхэллээ.Уг фестивальд Орхон аймаг Эрдэнэт хотоо төлөөлөн аймгийн Засаг даргын орлогч А.Түвшинжаргалаар ахлуулсан зохион байгуулагчид, Соёл урлагийн газрын хамт олон "Эрдэнэт Үйлдвэр" ТӨҮГ-ын дэргэдэх Соёл урлагийн цогцолборын “Эрдэнэт дуу бүжгийн чуулга”-н уран бүтээлчид, соёлын биет бус өвийг хадгалж, түүнийг өвлөн уламжлагч, өв тээгч зэрэг нийт 40 гаруй хүний бүрэлдэхүүнтэй баг оролцож байна. Тэд өнөөдөр "Туургатны нутаг" язгуур урлагийн тоглолтоо толилуулжээ. Мөн соёлын бүтээлч үйлдвэрлэл эрхлэгч гар урлаачид оролцож бүтээлүүдээ танилцуулж байна.

      Энэ жилийн наадмын нэг онцлог нь мэргэжлийн урлагийн 512 хөгжимчид хөгжмийн зохиолч Б. Шаравын “Сэрсэн тал” аялгууг хөгжимдөж Юнескогийн соёлын биет бус өвийн бүртгэлд бүртгүүлэх юм. Үүнд манай аймгаас Эрдэнэт дуу бүжгийн чуулгын 12 хөгжимчин оролцоно.“Монгол үндэсний нэрийн брэнд” олон улсын наадмыг бий болгох зорилтын дагуу зохион байгуулагдаж буй “Нүүдэлчин” фестиваль нийт гурав хоногийн турш болно.