Төрийн өмчийн цэцэрлэгийн бүртгэл энэ сарын 18, 19-ны өдрүүдэд болно

Цэцэрлэгийн насны хүүхдийг хамран сургах тойргийн дагуу бүртгэх ажлыг энэ сарын 18, 19-ний өдрүүдэд  зохион байгуулна. Энэ хичээлийн жилд сургуулийн өмнөх боловсролын байгууллагат нийт 8600 гаруй хүүхэд хамрагдана. Үүнээс шинээр элсэн орох хоёр настай суралцагч 2200 орчим байгаа юм. Орхон аймаг цэцэрлэгийн насны нийт хүүхдийн 97 хувийг цэцэрлэгт хамруулж байна. 
       БШУГ-ын даргын 2023 оны 06-р сарын 12-ны өдрийн А/29 дүгээр  тушаалаар төрийн өмчийн цэцэрлэг, сургуульд  элсэгчдийн, хамран сургах тойргийг тус тус шинэчлэн тогтоосон. Энэхүү харьяаллын дагуу хамран сургах тойрогтоо биечлэн очиж бүртгэлээ хийлгэнэ. Бүртгэл хийлгэхэд хүүхдийн төрсний гэрчилгээ эх хувь болон хуулбарын хамт, эцэг эхийн иргэний үнэмлэх, оршин суугаа газрын лавлагаа /И-Монголиагаас авах/ шаардлагатай.