“Цахим аймаг бодлогын зөвлөмжийг хэрэгжүүлэх нь” арга хэмжээг зохион байгуулж байна

ЦХХХЯ,  “И-Монголиа академи” УТҮГ, орон нутаг дахь төрийн цахим үйлчилгээний газрын зохицуулалтын газрын салбар хэлтэс хамтран “цахим аймаг бодлогын зөвлөмжийг хэрэгжүүлэхтэй холбоотой сургалт судалгаа үнэлгээ” арга хэмжээг  өнөөдөр Орхон аймагт зохион байгуулж байна.  
Төрийн албан хаагчдын цахим ур чадварыг нэмэгдүүлэх, цахим аймаг бодлогын зөвлөмжийг хэрэгжүүлэхэд суурь нөхцөл байдал бэлтгэгдсэн эсэхд судалгаа, үнэлгээ хийх нь гол зорилго ажээ. 
       Арга хэмжээний хүрээнд “Цахим шилжилтийг үнэлэх шалгуур үзүүлэлт, арга зүй” сургалтыг төрийн албаны мэдээлэл технологи хариуцсан албан хаагчдад орлоо. Сургалтад нийт 60 гаруй албан хаагч хамрагдаж байна. Түүнчлэн цахим шилжилт хийх бэлэн байдлын судалгаа, авч хэрэгжүүлсэн арга хэмжээний судалгаа, хэрэгжилтийн судалгаа зэрэг хийгдэх ажээ. 
       Өнөөдрийн байдлаар ЦХХХЯ-аас дөрвөн баг гарч орон нутагт цахимжилт ямар түвшинд байгаа талаар судалгаа хийж байна. Тэрхүү судалгаанд үндэслэн бодлогын зөвлөмж гаргаж хүргүүлнэ гэдгийг ЦХХХЯ-ны нийтийн мэдээллийн дэд бүтцийн хэлтсийн дарга Д.Батбаяр хэлж байв. 
        Орхон аймгийн хувьд “Цахим Эрдэнэт – 1” хөтөлбөрийг батлуулан, хэрэгжүүлж, хөтөлбөрийн хүрээнд 17 багц ажлыг хийхээр төлөвлөсөн. Одоогийн байдлаар Эрдэнэт хотын бүхий л үйлчилгээг нэг дор багтаасан “Смарт Эрдэнэт” платформийг хэрэглээнд нэвтрүүлсэн, төрийн бүхий л үйлчилгээг 24 цагийн турш авах боломжтой “Цахим төв”-ийг ашиглалтад оруулсан, иргэдийн санал хүсэлт, өргөдөл гомдлыг цахимаар хүлээн авч шийдвэрлэх IRGEN.ERDENET.MN вэб системийг нэвтрүүлсэн зэрэг ажлуудыг дурдаж болох юм. 

Мэдээллийн төв