“Номын өргөө” ирэх арванхоёрдугаар сард ашиглалтад орно

Орон нутгийн төсвийн 4,6 тэрбум төгрөгийн хөрөнгө оруулалтаар баригдаж байгаа Номын өргөөний барилгын ажил 90 хувьтай үргэлжилж байна. Зоорийн давхартайгаа нийт дөрвөн давхар барилгыг ирэх 12-р сард ашиглалтад оруулах ажээ.

       Давхар бүртээ уншлагын танхимтай байх бөгөөд хоёр болон дөрөвдүгээр давхартаа  хурал, уулзалт зохион байгуулах боломжтой том саруулхан заал байхаар төлөвлөжээ. Мөн нэгдүгээр давхарт зөвхөн хөгжлийн бэрхшээлтэй иргэдэд зориулсан уншлагын танхим, сургалт хөгжлийн төв зэрэг байрлана. 
Харин гуравдугаар давхарт АНУ-ын тухай төрөл бүрийн сэдвээр сонирхож буй хүмүүст мэдээлэл олж авахад нь тусалж дэмжих зорилгоор “Америкийн соёл мэдээллийн төв”-ийг байгуулах юм. Түүнчлэн гадна талбайдаа 30 авто машины зогсоол, ногоон байгууламж, тохижилт хийнэ. Тус өргөө ашиглалтад орсоноор 15 ажлын байр шинээр бий болох ажээ. 

Мэдээллийн төв