Орон сууцны гадна талбайд хүнсний ногоо худалдаалахыг зөвшөөрлөө

Хүнсний ногоо тариаланчид,  жимсчидээ дэмжих үүднээс Баян-Өндөр сумын хэмжээнд энэ сарын нэгний  өдрөөс 10-р сарын 01-ны өдрийг хүртэлх хугацаанд байрнуудын гадна талбайн авто зогсоолуудад  төмс хүнсний ногоо, жимс жимсгэнэ худалдан борлуулахыг зөвшөөрөв. Ингэхдээ: Ямар нэгэн төлбөр хураамж төлөхгүй, ямар нэгэн зөвшөөрөл авахгүй бөгөөд тухайн багийн Засаг даргын ажлын албанд машины дугаар болон маркийг тодорхой бүртгүүлсэн байх шаардлагатай. Мөн худалдаа эрхэлж буй газраа саравч сүүдрэвч барихгүй, ногоон байгууламж дээр авто машин байршуулахгүй байх, орчин тойрондоо хог хаягдал үүсгэхгүй байх гэсэн шаардлагыг тавьж байгаа ажээ.