Үер усны гамшигийн бэлтгэл бэлэн байдлын төлөвлөгөөг тодотгох үүрэг өглөө

Аймгийн Засаг даргын орлогч А.Түвшинжаргал, ЗДТГ-ын дарга Ш.Ганболд нар үер усны гамшигийн бэлтгэл бэлэн байдлыг шалгахаар холбогдох байгууллагуудад ажиллалаа.
Онцгой байдлын газрын зүгээс үер усны гамшиг тохиолдсон үед ажиллах төлөвлөгөөгөө танилцуулсан бөгөөд зарим нөхцөл байдлаас шалтгаалан төлөвлөгөөг дахин тодотгох үүргийг өглөө. Төлөвлөгөөнд нүүлгэн шилжүүлэлтийг хэрхэн хийх, хоол хүнс, цэвэр усны нөөц, техник хэрэгсэл зэргийг дахин нягтлахыг санууллаа. Мөн одоо аймгийн хэмжээнд байгаа инженерийн хийцлэлтэй болон байгалийн далан, суваг, шуудууны нөхцөл байдал, цаашид хаана ямар байршилд үерийн далан хийх саналыг тусгах шаардлагатай гэв. Түүнчлэн үерийн эрсдэлтэй бүсд буусан Баян-Өндөр сумын Дэнж, Эрдэнэ, Баян-Овоот багийн зарим айл өрхүүдэд анхааруулга сэрэмжлүүлгийг өгч нүүлгэн шилжүүлэх талаар хэлэлцлээ. 
    Харин аймгийн Газрын Харилцаа Барилга Хот Байгуулалтын зүгээс үерийн эрсдэлтэй байршилд аж ахуйн нэгж байгууллагын зориулалтаар ашиглах  газар олголт байхгүй талаар танилцуулав. Тус байгууллагат голын голдирол дагаж буусан айл өрхүүдийн судалгааг дахин нягталж, хаяг байршлыг тогтоох зэрэг судалгааг хийж газар дээр нь ажиллах үүрэг өглөө. 

Мэдээллийн төв