СӨББ-ын болон бага ангийн багш нарыг урьдчилан сэргийлэх үзлэгт бүрэн хамруулна

Өнөөдөр хуралдсан аймгийн Засаг даргын шуурхай зөвлөгөөний үеэр хичээлийн шинэ жилийн бэлтгэл хангах зорилгоор хийж хэрэгжүүлж байгаа зарим ажлын талаарх мэдээллийг Боловсрол Шинжлэх Ухааны газраас танилцуулав.  Тодруулбал: 
      Багш боловсон хүчний эрүүл мэндийг дэмжих зорилгоор  хичээлийн шинэ жил эхлэхээс өмнө урьдчилан сэргийлэх үзлэгт бүрэн хамруулах ажлыг зохион байгуулна. Үүнд СӨББ-ын эрхлэгч, бүлгийн багш, туслах багш, арга зүйч болон тогооч, нярав, ЕБС-ийн бага ангийн багш нар хамрагдах ажээ. Тус ажлыг Эрүүл мэндийн газар, Боловсрол, шинжлэх ухааны газар хамтран зохион байгуулна. 
       Энэ хичээлийн жилд аймгийн хэмжээнд ЕБС-д нийт 25700 хүүхэд суралцахаас 2300 гаруй нь нэг дүгээр ангид элсэн суралцах  зургаан настан байна. Дээрх суралцагчдын бүртгэл ирэх найм дугаар сарын  гурав дахь долоо хоногт улс орон даяар нэгэн зэрэг явагдана. Мөн цэцэрлэгийн өмнөх боловсролын байгууллагат элсэн суралцагчдын бүртгэл И- Монголиа системийг ашиглан цахимаар болно. 
       Сургууль цэцэрлэгийн ойр орчмын шарилж устгах ажлын хүрээнд төрийн болон төрийн бус өмчийн 40 цэцэрлэг, 24 сургууль, Орхон МСҮТ, Насан туршийн боловсролын төв зэрэг 51 байгууллага нийт 316.7 мянган м2 талбайн шарилж, зэрлэг ургамлыг хадав.