Ажилд орох багш нарын бүртгэлийг нээлттэй ажиллуулж байна

 Аймгийн хэмжээнд багшлах хүний нөөцийн дутагдлын судалгааг гаргахад математик, биологи, нийгмийн ухаан, англи хэл, бага ангийн багш зэрэг 14 судлагдахуунаар  41 багш дутагдалтай гарсан байна. Иймд ажилд орох багш нарын бүртгэлийг нээлттэй ажиллуулж эхэлжээ. Өнөөдрийн байдлаар 11 хичээлээр 28 багш ажилд орох хүсэлт ирүүлээд байна. Ажилд орохыг хүссэн мэргэжлийн багш нар энэ найм дугаар сарын 31-ийг хүртэл аймгийн БШУГ-т бичиг баримттайгаа ирж бүртгүүлэх боломжтой ажээ. 
        Багшлах боловсон хүчнээ нэмэгдүүлэх зорилгоор Орхон аймаг энэ жил МУБИС болон Архангай аймаг дахь МУБИС-ийн салбар сургуультай хамтын ажиллагааны гэрээ байгуулсан юм. Ингэхдээ орон нутагт шаардлагатай мэргэжлүүдээр хөнгөлөттэй нөхцлөөр элсүүлэх, аймгийн багш нарын хэрэгцээнд тулгуурласан мэргэжил дээшлүүлэх, хөрвөх, ахисан түвшний сургалтад хамруулах үйл ажиллагаануудыг зохион байгуулахаар тусгасан.