Эрдэнэт хотын дулааны төв шугамыг өргөтгөж байна

 Хотын дулааны төв шугамын нэвтрэх чадварыг сайжруулах зорилгоор 700-ын диаметртэй шугамаар өргөтгөж байна. 
Эрдэнэтийн Дулааны Цахилгаан Станцаас хотын төв хүртэлх 3,5 километрийн урттай ил төв шугамын өргөтгөлийн ажил өнөөдрийн байдлаар 70 гаруй хувьтай үргэлжилж байна. Улсын төсвийн 4,3 тэрбум төгрөгийн хөрөнгө оруулалтаар хийж буй уг ажил энэ намар бүрэн дуусах юм. Ингэснээр шинээр баригдаж байгаа орон сууц, барилга обьектуудын дулаан хангамж сайжрах, хотыг найдвартай дулаанаар хангах боломж бүрдэнэ. 
        Энэхүү дулааны төв шугамын өргөтгөлийн ажил нь аймгийн Засаг дарга С.Батжаргалын санаачилгаар ШУТИС-ийн багш нар хотын дулаан, цэвэр усны шугамын гидравлик тооцоололд хийсэн судалгааны дүгнэлтийг үндэслэн хийгдэж байгаа анхны ажил гэдгээрээ онцлогтой. 

Мэдээллийн төв