Үерийн далан, суваг шуудуунд тогтмол үзлэг хийж хэвийн байдлыг хангаж байна

Аймгийн хэмжээнд нийт 72,8 километр инженерийн хийцлэлтэй болон байгалийн далан, суваг, шуудуу байдаг. Бороо ус элбэгтэй үед эрсдэлээс урьдчилан сэргийлэх зорилгоор үерийн усны суваг шуудуунд тогтмол үзлэг хийж хэвийн байдлыг хангаж байгаа талаар ХЗА-аас мэдээлэл хийлээ.  
     Өнөөдрийн байдлаар ХЗА-ны харъяа байгууллагууд, ОБГ, Баян-Өндөр сум зэрэг холбогдох газрууд хамтран 6,8 километр үерийн даланг цэвэрлэж, сэргээхээр ажиллаж байна.Тэд өнгөрсөн долоо хоногт А1001 зам дагуух “Сансар” худалдааны төвөөс “Дархан нэхий” дэлгүүр хүртэлх үерийн усны даланд үзлэг шалгалт хийж  найман метр куб хог хаягдал, шороо чулууг цэвэрлэж, ачиж тээвэрлэжээ. 
       Түүнчлэн Орхон аймаг, Эрдэнэт хот Европын Сэргээн Босголт Хөгжлийн банкны хөнгөлөлттэй зээлээр үерийн далан суваг шуудууг шинэчлэх ажлыг хийхээр төсөл хэрэгжүүлээд байгаа билээ. Тус ажлын явц зураг төсөв боловсруулах, гүйцэтгэгчийг шалгаруулах тендерийн материал бэлтгэх шатандаа үргэлжилж байна. Уг төсөл хэрэгжсэнээр үерийн ус зайлуулах инженерийн байгууламж байгуулагдаж эхлэх бөгөөд Эрдэнэт хот үер усны эрсдэлгүй болох боломж бүрдэх юм.