Энэ онд хийхээр төлөвлөсөн бүтээн байгуулалтын ажлын 53,3 хувь нь бүрэн дуусчээ

Орхон аймаг Эрдэнэт хот 2023 онд улсын болон орон нутгийн төсвийн 33,4 тэрбум төгрөгийн 151 бараа, ажил үйлчилгээг хийхээр төлөвлөсөн. Үүнээс орон нутгийн төсвийн хөрөнгө оруулалтаар 27,7 тэрбум төгрөгийн 131 бүтээн байгуулалтын ажил хийж хэрэгжүүлэхээр төсөвт тусгасан юм. Орон нутгийн төсвийн хөрөнгө оруулалтаар 81 ажил, зураг төсөл боловсруулах дөрөв, Баян-Өндөр сумын Орон нутгийн хөгжлийн сангийн хөрөнгөөр 29, Жаргалант сумын Орон нутгийн хөгжлийн сангийн хөрөнгөөр 19 ажил хийж гүйцэтгэнэ. 
        Одоогийн байдлаар нийт ажлын 71 нь буюу 53,3 хувь нь бүрэн дууссан байна.  Үүнд баянцагаан багийн жишиг гудам, бялзуухай болон 21-р цэцэрлэгийн гадна пасад, Дэнж багт байрлах ус дулаан дамжуулах төв, орон сууцны хороолол дундах тоглоомын талбай зэрэг ажлууд байгаа юм. 
        Харин 41 ажил 30-аас дээш хувийн гүйцэтгэлтэй байгаа бол  ажил эхэлж байгаа 9, гэрээ цуцалсан 5,  эхлээгүй 3 ажил байна. Түүнчлэн ажил гүйцэтгэхээр шалгарсан нийт компаний 65 хувь нь орон нутгийн компани байгаа гэв.