Зургаан насны хурдан морины уралдааны айргийн тавын ТОЙМ

Монголын тулгар төрийн 2232, Их Монгол Улсын 817, Үндэсний эрх чөлөө, тусгаар тогтнолоо сэргээн мандуулсны 112, Ардын хувьсгалын 102 жилийн ой, Эрдэнэт хот байгуулагдсаны 47 жилийн ойн баяр наадмын хурдан морины уралдаанд айргийн тавд орж торгон жолоо өргөсөн морьдын мэдээллийг хүргэж байна. 

Үндэсний их баяр наадмын наадамчдыг огшоож, самсаа шархируулдаг уралдаан бол яахын аргагүй дааганы уралдаан билээ. 

• Дааганы уралдааны түрүү магнайд Сэлэнгэ аймгийн Баруунбүрэн сумын харьяат Э.Ариунболдын хул даага,
• Аман хүзүүнд Орхон аймаг Баян-Өндөр сумын харьяат Л.Даваанямын хул халзан, 
• айргийн гуравт Орхон аймгийн Баян-Өндөр сумын харьяат бор даага, 
• айргийн дөрөвт Хөвсгөл аймгийн Алаг-Эрдэнэ сумын харьяат Г.Мөнх-Эрдэнийн шарга даага, 
• айргийн тавд Орхон аймгийн Баян-Өндөр сумын харьяат Ч.Батжаргалын цавьдар даага хурдалж торгон жолоогоо өргөлөө.

Хурдан их насны морьдын уралдаанд Орхон аймгийн Баян-Өндөр сумын харяат Н.Ишжамцын хээр морь түрүүллээ. Аман хүзүүнд Орхон аймгийн Баян-Өндөр сумын харьяат Д.Батхишигийн хүрэн морь, айргийн гуравт Орхон аймаг Баян-Өндөр сумын харьяат Л.Даваанямын хар морь, айргийн дөрөвт Сэлэнгэ аймгийн Сүхбаатар сумын харьяат М.Соёлбатын хээр морь, айргийн тавд Булган аймаг Сэлэнгэ сумын харьяат О.Галбадрахын хүрэн морь хурдаллаа.

Шүдлэн насанд Орхон Баян-Өндөр сумын харьяат Л. Даваанямын халтар түрүү магнайнд, Орхон аймгийн Баян-Өндөр сумын Г.Болор-Эрдэнийн сартай халтар аман хүзүүнд, айргийн гуравт Сэлэнгэ аймгийн Баруунбүрэн сумын Л.Ааля сум хар, айргийн дөрөвт Булган аймаг Бугат сумын харьяат А.Билэгтийн сум бор, айргийн тавд Орхон аймгийн Баян-Өндөр сумын харьяат Т.Мөнхтүвшингийн сум хүрэн хурдалж, торгон жолоогоо өргөлөө. 

Хязаалангийн уралдаанд Булган аймгийн Хялганат сумын харьяат Ө.Зулбаатарын сум хул түрүү магнайнд,  Орхон аймгийн Баян-Өндөр сумын харьяат Т.Ариунсангийн толин хүрэн аман хүзүүнд,  айргийн гуравт Булган аймгийн Сайхан сумын харьяат Э.Даваасүрэнгийн хонгор морь,  айргийн дөрөвд Орхон аймаг Баян-Өндөр сумын Б.Ядамсүрэнгийн гоё халзан, 
айргийн тавд Булган аймгийн Сэлэнгэ сумын харьяат С.Гэрэлцогтийн хул халзан хурдалж, наадамчин олныхоо өмнө цолоо дуудууллаа.

Адууны хамгийн иртэй, хурдтай нас гэгддэг соёолон насны морьдын уралдаанд Орхон аймгийн Баян-Өндөр сумын харьяат Б.Ганзоригт соёолон түрүү магнайнд хурдалж, аман хүзүүнд Орхон аймгийн Баян-Өндөр сумын харьяат уяач Д.Цэрэндоржийн соёолон торгон жолоогоо өргөлөө.  Айргийн 3-т Г.Болор-Эрдэнийн хонгор үрээ, айргийн 4-т Орхон аймгийн Баян-Өндөр сумын харьяат уяач С.Баярсайханы соёолон, айргийн 5-д Г.Болор-Эрдэнийн халтар үрээ хурдалж, цолоо дуудууллаа.

Уясан хүлэг нь хурдан унасан хүүхэд нь цог золбоотой, уясан эзэн нь магнай тэнүүн наадсан хурдан азарганы айргийн тавд орсон хүлгүүд цолоо дуудууллаа.
Хурдан азарганы уралдааны түрүү магнайд Орхон аймгийн Баян-Өндөр сумын харьяат уяач Т.Ариунсангийн азарга, 
аман хүзүүнд Булган аймгийн Орхон сумын уяач Б.Батсайханы азарга, 
айргийн 3-т Орхон аймгийн Баян-Өндөр сумын уяач Г.Болор-Эрдэнийн азарга, 
айргийн 4-т Орхон аймгийн Баян-Өндөр сумын уяач Ж.Шинэ-Идэрийн азарга, 
айргийн 5-д Орхон аймгийн Баян-Өндөр сумын уяач Д.Гантөмөрийн азарга хурдаллаа.

Мэдээллийн төв