Бүгд Найрамдах Киргиз Улсын Ерөнхийлөгч С.Н.Жапаров Орхон аймагт зочиллоо

Монгол Улсын Ерөнхийлөгч У.Хүрэлсүхийн урилгаар Монгол Улсад ажлын айлчлал хийж буй Бүгд Найрамдах Киргиз Улсын Ерөнхийлөгч С.Н.Жапаров өнөөдөр Орхон аймаг Эрдэнэт хотод зочиллоо. 

Хүндэт зочдыг орон нутгийн удирдлагууд, Эрдэнэт үйлдвэр ТӨҮГ-ын удирдлагуудын хамтаар угтан авсан юм. 

Бүгд Найрамдах Киргиз Улсын Ерөнхийлөгч С.Н.Жапаровын хамтаар Монгол Улсын Гадаад харилцааны сайд Б.Батцэцэг, Монгол Улсын сайд, ЗГХЭГ-ын дарга Д.Амарбаясгалан, Монгол Улсаас Бүгд Найрамдах Киргиз Улсад суугаа Онц бөгөөд Бүрэн эрхт Элчин сайд С.Ганхуяг, Бүгд Найрамдах Киргиз Улсаас Монгол улсад суух Онц бөгөөд Бүрэн эрхт Элчин сайд А.М.Артыкбаев болон албаны 10 гаруй төлөөлөгч ажиллаж байна.  Тэрээр "Эрдэнэт Үйлдвэр" ТӨҮГ-ын үйл ажиллагаатай танилцаж санал солилцоно. 

Мэдээллийн төв