“Эв мөнхийн тусгаар Монгол” сэдвийн дор баяр наадмын нээлтийн арга хэмжээг зохион байгуулж байна

Тулгар төрийн 2232, Их Монгол Улсын 817, Үндэсний эрх чөлөө, тусгаар тогтнолоо сэргээн мандуулсны 112, Ардын хувьсгалын 102 жилийн ой, Эрдэнэт хот байгуулагдсаны 47 жилийн ойн баяр наадмын нээлтийн үйл ажиллагаанд орон нутгийн 600 орчим уран бүтээлчид, авьяаслаг хүүхэд багачууд оролцож байна.

Энэ жилийн  баяр наадмын нээлтийн үйл ажиллагааг улс даяар  “Эв мөнхийн тусгаар Монгол” сэдвийн дор өөр өөрсдийн аймаг орон нутгийн онцлогийг шингээн зохион байгуулж байгаа юм.  Орхон аймгийн баяр наадмын ерөнхий найруулагчаар Монгол Улсын Урлагын Гавьяат зүтгэлтэн  Соёл урлагийн цогцолборын найруулагч  Д.Одончимэг, туслах найруулагчаар Б.Ренцэнмядаг нар ажиллаж байна.

Баяр наадмын нээлтийн үйл ажиллагаа 10-ний өдрийн 11 цагт Цэнгэлдэх хүрээлэнд эхэлнэ.  Нээлтийн арга хэмжээ гурван хэсгээс бүрдэх бөгөөд  эхлэл хэсэг  Монголын нэг өдөр дунд хэсэг Эрдэнэтийн залуус бидний ирээдүй, төгсгөл хэсэг Эрийн гурван наадмын магтан дуулал гэсэн хэсгүүдээс наадамчин олноо баясгахаар бэлтгэл хангаж байна.

Мөн 11-ний оройн 21.00 цагт баяр наадмын хаалтын арга хэмжээний үдшийн цэнгүүн Цэнгэлдэх хүрээлэнд болно. Орон нутгийн болон Никитон, Салхи  хамтлагийн уран бүтээлчид ая дуугаа өргөж, нэгэн үдшийг Эрдэнэтийн залуучуудтай өнгөрөөхөөр бэлтгэж байна.