Х.Одбаяр:Баяр наадмын өдрүүдэд цагдаагийн мотоцикльтой эргүүл ажиллана

Баяр наадмын өдрүүдэд цагдаагийн байгууллагын алба хаагчид хөдөлгөөн, хэв журам хэрхэн сахиулах талаар Замын цагдаагийн тасгийн дарга Х.Одбаярын хийсэн мэдээллийг  хүргэе. 

• Морь барианы газар  цагдаагийн байгууллагын гомдол мэдээлэл хүлээн авах цэг ажиллана. 
• Морь барианы газрын төв асар орчимд Мэдээлэл шуурхай удирдлагын төвтэй хамтран 24 цагийн 180 градусийн хяналтын хөдөлгөөнт камер байршуулна. 
• Худалдааны үйлчилгээний цэг буюу хуушуурын гэр орчимд цагдаагийн алба хаагчид хэв журам сахиулна. 
• Цагдаагийн албан хаагчдын мотоцикльтой  эргүүл ажиллана. 
• Төв цэнгэлдэх хүрээлэнд D-R  тэмдэглэгээтэй суудалд  цагдаагийн алба хаагчид хэв журам сахиулна. 
• Бага насны хүүхэд, төөрөх моринд дайруулах, халаасны хулгайн гэмт хэргээс сэрэмжлүүлж байна. 
• Хурдан морины уралдааныг хувь хүн, уяачдын холбооноос эсвэл  комиссын гишүүд дагахгүй. Эмнэлэг, цагдаа, онцгой зэрэг төрийн байгууллагын үйлчилгээний шуурхай автомашин дагана. 
• Төв цэнгэлдэх хүрээлэн орчимд иргэд “ББ” парк буюу стадионы баруун талын хэсэгт тээврийн хэрэгслээ байршуулна. Заасан бүсээс дотогш ямар ч авто машин нэвтрүүлэхгүй. Төн цэнгэлдэхэд цагдаа, эмнэлэг, онцгойгийн авто машин 24 цагаар үүрэг гүйцэтгэнэ.